💕التجمع ال 40 لامهات وحوامل التوائم 💕💕

بناتي تقبلو التفاح المسلوق والبطاطس ... الجزر وحده من البنات اتحسست منه وذحين بعطيهم سيريلاك بالرز ... عندي وحده منهم رضاعتها جدا ضعيفه مني عارفه ايش اعمل معاها... الحليب جالسه احاول قد مااقدر يكونو نوع واحد

ام سعد طمنيني على بنوتتك الكيس اللي عندها ان شاء الله خف

كيفكم جميعا .. بالنسبه لتؤامي لسى مادخلت لهم شي ماشين بالخامس ماشاء الله تبارك الله .. انا من الاساس مارضعت طبيعي الا فترة الاربعين لاني تعبت لان جاني السكر فما احتاج اقولكم كيف الوضع وغير كذا الحليب كان مرا قليل مايكفي ولايشبع وغيروا حسيت وحده ماهي عارفه ترضع طبيعي فاضطر اشفط وصراحه مع العمليه وصياحهم خاصه وحده لو بقولكم انها ماتسكت ولاتنام الا شي بسيط ماابالغ قررت اترك الرضاعه الطبيعيه نهائي
طيب بسألك كيف اعرف انهم يستنكرون لاني لاحظتهم اذا سافرت لاهلي لاني بغربه فما اقابل ناس كثير يصيحوا صياح يفجع ومستمر ممكن من الصباح الين الظهر صياح واحد وبقوه لدرجه يادوب يلتقطوا النفس الين يناموا فاضطر ننحبس بغرفه لوحدنا قلت ممكن جالسين يستغربوا الناس
طيب السؤال الثاني متى يبدوا يلتقطوا الاشياء ويتقلبوا
وكمان ادوني طرق كيف انسيهم اللهايه لاني ملاحظه وحده منهم قامت تأثر على رضعتها ماتبغى الا اللهايه صياح الين اديها طبعا الثانيه مااتقبلتها
وادوني تجاربكم عن تطعيمة الاربع شهور

اهلين كيفك انتي وكيف اميراتك ... بالخامس بدأت اعطيهم الخضار والتفاح بس مو يوميا وكميات قليله ...وبالنسبه للرضاعه الطبيعيه حتى انا مارضعت عشان علاج القلب قال الدكتور ماينفع ...بناتي كانو يستنكرو حدهم يشوفو احد انواع الصياح فصرت اخرجهم اما عند اهلي او اهله وعلى خفيف السوبر ماركت ... من الخامس بس ترا طفل عن طفل يفرق عندي وحده بدأت قبل الثانيه ووحده بدأت تنقلب والثانيه لا ... اللهايه من نفسهم تركوها الحمدالله ان شاء الله البنات يفيدوكي فيها ... تطعيمه ٤ شهور نفس شهرين بالنسبه لبناتي سخونه ٢٤ ساعه وراحت الحمدالله انا اول مااوصل البيت اعطيهم تحميله واحطلهم مرهم مسكن

الله يسعدك ويعافيك ويحفظلك البنوتات الحلوات