🍼👼 تجمع أمهات مواليد مايو ويونيو 2018 👼🍼

السلام عليكم
كيفكم بنات وحشتوووووني😍😍


اليوم لي ٢٧ من النفاس بقى لي ١٣ يوم ان شاء الله واخلص من النفاس
بس للحين ما طهرت ينزل معاي وانتم بكرامه دم صريح مع أني قيصري !!


بدأت اكل حبوب منع حمل حقت رضاعه مع أني ما ارضع
لكن قالت الدكتورة هذي خفيفه وكويسه وقريت عنها يقولون ممكن يجي معها نزيف خفيف والأغلب يقولون لازم ترضعين معها رضاعه طبيعية عشان يكون مفعولها اقوى 😫 وانا بنتي ماترضع مني أبد ما تعرف تمسك صدري

وعليكمُ السلام ورحمةُ الله وبركاته...
مدة النفاس تختلف من وحدة لاخرى.
ليس شرطا ان تكون الفترة قصيرة مع العملية.
انا جلست نفاس50 يوم

اهلين
انتبهي اذ تاخذي حبوب رضاعه وماترضعي يمكن يحدث حمل
اختى سار معها كذا عمر بنتها شهرين وتاخذ حبوب سيزرات حقت الرضاعه وماترضع بنتها كثير يمكن مره في اليوم واحيانا ماترضعها يوم كامل وللاسف حملت
انا استخدم حبوب منع حمل عاديه صح خفت كميه الحليب من صدري بس اضمن
وعموما انا حاليا مارضع بنتي طبيعي فطمتها وعمرها الان ثلاث اشهر
لاني اعاني من حساسيه الجيوب الانفيه ولازم اخذ دواء كل ثمان ساعات ولا قدر ارضعها فخلص الحليب نشف والحمد لله على كل حال

نفس الحبوب الي كاتبتها لي 🤕
بس يقولون اذا انتظمتي عليها في نفس الوقت يصير مفعولها كويس
يمكن اختك تفوتها
الله يعين

هلا بنات
ماتوقعت انكم بتتفاعلون هنا
صار عمر ولدي ٣ شهور واسبوع لكن حجمه اللي يشوفه كأن توه عمره شهر
حيييل نتفة الله يحفظه
وعشان كذا اعامله بعمره الحقيقي اللي كان مفروض ينولد فيه
يعني انا اعتبره عمره شهرين بس
وماراح ابدا اعطيه اكل الا بعمر ٦ شهور افضل