مواقف وقصص في طواريء الولادة.. !

الله يعينهم
الناس ظروفها تختلف ومو كل منطقة متوفر فيها مستشفيات
وتجيك بعض الحريم وهي حالة ولادة وتتشرط مو وقتك ابد : )

الله يجزاك الجنه على ذكر بعض المواقف
والله لايحوجنا لدكتور يارب العالمين
بعض الممرضات أخلاق تعبانه
وبعضهم قمه ماشاء الله
قد صادفتني مره كلش نفسها في خشمها
وانا من النوع اللي اتعب حيل بس امسك نفسي الحمد لله
مااصارخ بس تناهيد ودموع وهي ابد مو عاجبها مع ان بغرف الثانيه ناس تصرخ وانا ماسويت كذا ومالومه يمكن هم مافيهم تحمل
تبي ابد ولانفس كل ماتذكرت موقف حصل لي معاها كان مؤلم لي نفسياً جداً جداً
وللآن سنوواات مانسيت 💔💔








عكس البقيه اخلاق اخلاق مانسيتهم
خصوصاً دكتوره ربي يجزاها الجنه يارب ويفرج لها وين ماراحت
بالعاده قابلات يولدون ودكتوره بس تشرف واحيان ماتكون موجوده
ذي الدكتوره ابد ماشاء الله رايحه جايه علي
مع اني تعبتها طووولت حيل يوم كامل تقريبا يوم كامل او حدود اليوم حتى اللي معها تقول لي يقولون لها ليه للحين صابره عليها اوشي كذا خلاص حوليها عمليه
تقول لي انا حتى الاكل ماكلت قلت مابرتاح الا لماتولد مريضتي 💔💔💔💔
والله انها دكتوره مااوفيها حقها جهزوني للعمليه قلت صبري علي شوي لان وضع طفل كان كويس ماقالت انه ضرر عليه قالت بصبر بعد
وتحملتني لما ربي فرجها علي
ماأنساها ولاانسى موقفها ابد




قرقرت واجد بموضوعك هههههههههه موضوع الولاده يهيض القلب 😂
الله يهون عليك باقي حملك لأني قريت لك انك حامل
ويهون عليك ولادته ويجعلها سهله ميسره يارب العالمين ♥♥♥♥

غاليتي هم يضحكون ليس على النظافة لأن هؤلاء النسوة ليست معاهم مشكلة نظافة ولكن جالسين يضحكون على منظر الولادة نفسها!!!
ولتعلمي يا غاليتي هؤلاء الشباب خلاص صاروا دكاترة !!!
وأما وساخة المكان لا يحق للدكتورة ولا الممرضة أن تتعدى خصوصية المريضة وتضحك وتحش فيها من وراءها !!!! بل تكلمها شخصيا ، وفي الدين نفسه اسمه غيبة .
وأيضا من ناحية أخرى هناك مرضى تكون حالتهم أنها تطول في المرحلة الأخيرة فتجلس ساعات طويلة على ثمانية سم بدون تطور فأكيد تصير ريحة ولا تقدر أيضا تنظف نفسها لأن الالم شديد جدا جدا جدا ، لا يقارن بألم دورة بل هو أشد حتى من كلمة أشد
واصلا الوحدة لما يكون الرحم مفتوح عندها على 5سم يكون الأالم شديد جدا ما تقدر تعتني بالمنطقة وخاصة لو حبسوها على الفراش بالجهاز أوكانت مع ذلك سمينة وتوقعي التعرق مع السمينة أكثر من غيرها أيضا ، ،ولو طولت أيضا في المرحلة ووووو
أو وحدة تكون جاية في المراحل المبكرة لكن أيضا حبسوها على الفراش لساعات وحطوا لها قسطرة حتى لا تتحرك من الفراش وحطوا لها جهاز التخطيط يشوفون التخطيط وتكون هي من النوع الي تعرق هذا المكان أو إذا كتمة المكان ومع السمنة طلعت ريحة !!!!!
أو وحدة منظفة بالبيت وجاية من مسافة وهي سمينة فصار المكان مكتوم وبعدها ربطوها على الفراش وماخلوها تتحرك عشان التخطيط عليها وتأخذ وقت ومع التعرق في المكان والافرازات فأكيد تطلع ريحة ،أو تكون وحدة مريضة نفسية أو تكون وحدة عندها أيضا مرض مع الحمل فما تقدر مثل ...ألخ
لكل شخص له عذره
واصلا من مسؤولية الممرضة انها تشيل المنطقة وتجهزه للولادة سواء شالت المريضة او ما شالت ولا يحق أن يعلق أحد على الامر لأنها خصوصيات مريضة .
وبل مسؤلية الممرضة أن تتأكد أن مشيول منه الشعر جيدا . لأنه ممكن تكون الوحدة شالت بالبيت قبل الولادة بفترة بسيطة بالحلاوة أو الموس ونبت شعر بسيط فمسؤوليتها ازالتها تماما .
والشعر له عذره كأي جزء ، فلا تجي وحدة من الدكاترة أو الممرضات وتحش فيها لانها شافت !!! أين ستر عورات الناس والخصوصية ؟؟!! أين أخلاقيات المهنة ؟؟!!
وممكن الوحدة شالت قبل ثم رجع نبت في وقت لم تتوقع أن تولد به فجاءتها ولادة سريعة وحامية في غير المتوقع !!! وما تلحق تسوي شيء .
فكل شخص له عذره
وشكرا لك غاليتي على الموضوع ، أحببت أن أضع تجاربي وقهري .

طبيعي يكون محترم لانه هذي امانه عنده غير كذا انتي مو اول ولا اخر حاله يشوفها شغلهم اليومي وتعب ومجهود وحالات مختلفة يبون بس يخلصون حالاتهم بسلام ..

الله يرفع قدرك ويسعدك ..