💕التجمع ال 40 لامهات وحوامل التوائم 💕💕

اوووه الله يعين والله احس ماخذه هم وانا لسه ببدايه المشوار لكن ربي يقوينا ويسهلها علينا

يسعدك ربي❤️❤️

حبيبتي
لا والله على حالها هي فيها ورم وعائي دموي بالمصطلحات الطبيه همنجيوما وطلع لها في قدمها بعد وحده طبعاً حولونا للجراحة التجميليه وشافنا الدكتور قال بنراقب الحجم ولو كبر زياده بيعطونها دواء اسمه بروبانلول تقريباً اسمه كذا محاصرات ألفا يصنف من أدوية ارتفاع ضغط الدم وقالوا يبي مراقبه دقيقه ممكن ينزل ضغطها وسكرها بصراحه رفضته وشافها دكتور اوعيه دمويه المهم اللي طلع لها ثلاث للحين في راسها وحده وثنتين في القدم يقولون هذا الشي يمكن يروح اذا صار عمرها سبع او عشر سنوات وانا بصراحه ماقدر اصبر هالمده بدون ماسوي شي لها ماقدر أقيد حركاتها لانه اي اصابه او اي ضربه تسوي نزيف دكتور الأوعية الدمويه يقول لو شفنا الحجم يكبر بسرعه بيسوون جراحه على مرحلتين وبكره عندها تصوير عالكبد يشوفون اذا سليمه او فيها حاجه
اكثر شي مضايقني ومتعب نفسيتي هالشي مبين وواضح وملفت ولا اقدر أمشط شعرها ولا اربط لها واسوي حركات ولا تلبس قبعات وغيرها ممنوع علشان مايصيدها تقرحات ويسوي نزيف
دعواتكم

اذا رحتي مكان وصاروا يصيحون بدون اي سبب ترا يكونون مستنكرين تخيلي في بيت هلي جاتني ايام أجيهم واقعد انا وبناتي في الغرفه محد يدخل علينا ولا نطلع على حد تعبت تعبت واللحين صاروا احسن من قبل بناتي حتى المكان يستنكرونه 🌚
بعمر الأربع يحاولون يمسكون يمدون يدهم
والتقلب من خمس شهور تعلموا بس اللحين احترفوا وحده منهم تتدحرج تطلع من الفراش تدخل تحت الطاوله بعد اسبوع يكملون سبع شهور القعده بروحهم مايعرفون لازم في حضني
واللهايه اذا لقيتي طريقه علميني أتوقع في هالسن صعبه

مناديل فيه ووتر وايبس وفيه دكتور براون بس اذا تبين المعطرة بعطر خفيف بامبرز زينه فيه نوعين نوع عطره قوي ماحبيته وفيه واحد عطره خفيف زين وفيه مال المواليد لونه ابيض هاااادي وجونسون الوردي بعد ريحته مب قويه شيكو بعدي عنه ريحته قويه تخنق
جهاز تعقيم خذيت شيكو وتسخين الرضعات بصراحه ماستفدت منه أبد تحسفت اني خذيته