مشكلتي مع المعجنات

تخيلو يابنات لما اسوي معجنات استانس انها حلوه بس فتره وتصير يابسه ما تنوكل وش السبب يعني اكيد لو بسوي كميه كثيره ببدا من العصر واغلفها بس ماتتطلع زي حقت المحلات ناعمه ولذيذه
يأست انا احب الطبخ واتسلى عليه اضيع وقتي عليه
بس هالمرحله اللي تضايقني عطوني حلول لحد يطنش

8 تعليق 1,856 مشاهدة

شاركي في النقاش

سجلي الدخول لإضافة تعليق.

التعليقات

6
  1. @aaoatf_trky

    المعجنات عشان تكون معك منفوشه وهشه وطريه مثل القطن ولونها ابيض من داخل مثل معجنات المحلات

    السر اضافة ملعقه كبيره خل اثناء العجن

    لان احماض الخل تتتفاعل مع بيكربونات الصودا والخمائر وتعطي نتيجه ممتازه

    تقريباً لكل كوبين او ثلاثه اكواب طحين ملعقه كبيره خل واكيد مع اضافة حليب بودره او زبادي او لبن تعطيك عجين مثالي

    وقبل تخبزين الفطاير والمعجنات بالفرن ادهني الوجه بحليب سائل ، والعجينه اثناء العجن لازم تاخذ كفايتها من السوائل تكون شوي طريه ماتكون قاسيه .

    وعشان تحفظين المعجنات ماتنشف وماتصير قاسيه لازم تغلفينها في كيس بلاستيك او سلوفان او في حافظه خاصه للمعجنات بشرط يتم حفظها بعد ماتصير شوي فاتره او دافيه عشان مايتكون بخار وينزل مويه .

    وقبل التقديم اذا حبيتيها تكون دافيه سخنيها بالمايكروييف او سخني الفرن 5 دقايق ثم دخلي المعجنات بصينيه وقفلي النار مجرد تسخن على الحراره بدون نار .
  2. @otn_la_ynthy

    طريقتي ودايم قطنيه لين بكره وتضل زي القطن
    2كوب ماء
    ملعقة خميره
    نص كاس زيت
    فنجال سكر
    فنجال حليب بودره
    رشة ملح


    4ملاعق زبادي>>هو السر في العجنيه
    اخلطهم زين ثم اضيف


    4اكواب من طحين الكويت
    اعجنهم زين واستمر بالعجن عشر دقايق ثم
    اغطيها بنايلون نص ساعه ولاها خامره
    اشكلها وع الفرن المحمى مسبق
    وتطلع الفطاير ولا احسن منها بارك الله
  3. هلا اختي خدي الطريقة هاي مجربة ولا تنسيني من دعواتك:4اكواب طحين ربع كوب حليب بودرة معلقتين سكر ملعقة كبيرة خميرة رشة ملح ماء دافي حسب الحاجة بيضة ملعقة صغيرة خل فنجان زيت البيضة لازم تكون بحرارة الغرفة لا تحطي الملح فورا بعد الخميرة لأنه بيقتل مفعولها وخلي العجينة طرية مو جامدة وبالعافية

تابعي تجارب أخرى من هذا القسم.