زوجي فشلني عند الشغاله

قربت اكمل ١٠ سنين على زواجي.. اخر سنتين طلبت من زوجي خدامه تساعدني وجابها.. والحمدلله ريحتني كثير بالتنظيف وشغل البيت وانا بقيت اطبخ واتابع الاولاد واهتم بصحتي.. وهي كبيره بالعمر وهاديه.. كانت ملقوفه بالبدايه وعيونها طويله بس انا رسميه معها فصارت تعمل لي حساب وتلزم حدها


قبل ٦ شهور صارت مشكله كبيره بيني وزوجي.. صرخ علي ونكد وسب وشتم على شي تافه.. وصار ينام بالمجلس ٣ شهور وبعدين رجع ينام للغرفه من نفسه واعترف انه غلطان وان ابليس ركبه.. بس انا مارجعت زي اول.. لما اتذكر ايش سوى فيني قدام عيالي والشغاله.. خصوصا الشغاله اللي انا شديده ورسميه معها.. وبوقت هجر زوجي كنت ارفع شعري والبس رسمي وجافه وما اتمكيج.. صعبه ارجع للمكياج والمياعه والدلع والاحضان بعد هجر شهور ماني قادره.. مره وحده حطيت مكياج واستحيت كانت تنظرني باستغراب.. رغم اني زمان كنت اتمكيج واتدلع واتبختر.. بس الحين ابدا ماقدرت.. مو قصه ان وحده غريبه ببيتي.. بس زوجي خربها معي فتره طويله وهي تدري انه مايحترمتي وشايفه كل مشاكلنا.. بعدين لي هيبه عند الشغاله والعيال لدرجة اذا زعلت ابين اني مو مهتمة لاكل زوجي واطبخ واحط سفرته باطباق ملونه بدون ترتيب.. عشان اظهر كمديره قويه لهالبيت.. فهمتوا الحاله؟؟




ما ابي وحده تقول سفريها لاني احتاجهااااا
لكن اللي مرت بتجربه او هالشعور ايش الحل؟؟

44 تعليق 13,788 مشاهدة

شاركي في النقاش

سجلي الدخول لإضافة تعليق.

التعليقات

34
  1. @hshom_hyaty

    انا ما فهمت وش مشكلتك معاها؟ شيء طبيعي يحسون مشاكلنا مع ازواجنا ممكن ما احسسها وفي كلا الحالتين مالها شغل
  2. @aam_thryr

    مافهمت حبيبتي ايش سؤالك بالضبط
    ووين المشكلة
    واذا الموضوع عن احراجه لك قدام الشغالة
    لاتنحرجين ولا شي
    كل الناس يتهاوشون ويختلفون مع بعض
    لكن نصيحتي لك لاتتركين الخلاف يطول
    بينكم كذا بالأشهر
    قال الرسول صلى الله عليه وسلم
    خيرهما الذي يبدأ بالسلام
    اذا زعلتي يوم او يومين وبعدها ارجعي
    لطفي الجو بطريقتك
    علشان لايتعود على بعدك وتكبر الفجوة بينكم
    والله يصلح حالنا أجمعين
  3. @nbras_26

    يعني الحين وين مشكلتك بالضبط مع الشغاله؟
    ولا وضعك مع زوجك ؟
    الحين لو تمكيجتي ورجعت علاقتك كويسه بزوجك بتقل هيبتك عند الشغالة!!
    ذا الي خايفه منه!
    وعشان كذا ماتبين تحسنين علاقتك مع زوجك!
    ابداً ماله علاقه
    طالما الكل عارف حدوده معك عيالك والشغاله
    وزوجك دامه ندمان كان تفاهمتي معاه ان مشاكلكم وصراخكم جوا غرفة النوم
    مو قدام احد ثاني

تابعي تجارب أخرى من هذا القسم.