المتزوجات اللي لهم اكثر من سنه تعالو بستشيركم

صباح الورد ي جميلات 🌹
الحمد لله على نعمة هالمنتدى الجميل وعلى نعمة ناس راقيه مثلكم ❤️
بقولكم وعسى القى اللحل عندكم لاني اثق فيكم 💔
انا متزوجه من سنه وبالشهر الثامن الله يتمم على خير ..
مشكلتي زوجي اللي سبب لي حالة رعب وقلق .. انا اعرف بنظرات العيون وافهمها وربي تصير نفس اللي بداخلي ..
اول ماحملت بدت المشاكل ماقدرني بالوحام ورحت عند اهلي وبعدها طلبته نسافر نغير جو ورحنا بس طلع عيني اني سفرته غصب عنه وهو ماهو قادر مع انه موافق ولاقال شي وقتها واني بغيت اجني على حملي وسكت له وبعدها التعن علي ماني عارفه له بس يعايرني ويمن بهالسفره💔
مصروفي يحاول يقلله مع انه مقتدر وراتبه عالي مايعلمني بشي ابد عن اموره الماليه وبس يتشكى ..
وبالعيد كنت ابي زياده بمصروفي وبعد الزعل والصياح ماعطاني الا بليلة العيد 💔
والشهر اللي بعده خصمهن من المصروف وزعلت عليه ولااخذته وراضاني وغصب عطاني بدون مايكون كامل ..
ويهدد انه خلاص بيخصم نصف المصروف والبيت مستحيل يجيب معه كاش واذا جاب يخبيهن مع ان ماعمري مديت يدي ع ريال 😭


ومن دخلت الثامن يحاول يعاند وبيسمي اسم اللي ببطني اسم قديم قوه ورافض النقاش بحجة ان كلامي دائما هو اللي يمشي وتدخلت امي وطلبته الاسم وحليناها
وطالبته قبل اولد بخاص ووافق فجاه بالاشهر الاخيره رفض وبعد محاولات اسبوع ودموع يالله وافق وكل يوم يمن ويذكرني بهالمستشفى ويقلل المصاريف مع انه مقتتتتتدر ويدفع التكاليف بربع راتب واحد بس يحسسني ان مامعه مع اني قايله لو منت قادر امي متكلفه بالمصاريف كهديه للبيبي ..


واللحين يقول بس تولدين عندي قائمه بمشي عليها وقواعد بعد ماتولدين ومن نظراته لعباتي مع انها كتف بس ساتره بيجبرني البس راس وبيطلع عيني بالمصروف ..


وزوجي شخص ناقد جدا مثلا اسولف معه بسالفه يجلس يطلع العيوب مايركز بوش صار مع انه يحاول ينكت بس ماتدرين وش يكيد لك من نظراته اعرف وش بيسوي واشيل هم كم يوم حتى يصير اللي بباله ويقولي بدون نقاش 😭
مستحيل يعلمني باسراره ادري من الناس وانا صفحه بيضاء عنده وكتاب مفتوح عجزززت افهم له ماتدرين وش يفكر او يخطط الا من نظراته تفضحه 😩


انا تعبت من التفكير والقلق وفرض الاوامر وهاللي طايح فيه بدون نقاش ويعند بقوه صرت ماثق فيه ولا القى الامان لان فجاه تطن براسه فكره اسويها غصب عني 💔


ابي نصايحكم وتوجيهاتكم ولو ماعتبركم خواتي واكثر ماكتبت اللي بخاطري كله ❤️

25 تعليق 4,613 مشاهدة

شاركي في النقاش

سجلي الدخول لإضافة تعليق.

التعليقات

25
  1. ياقلبي الحياه الزوجيه يبغالها نفس طوييييييييييل
    مو كل شي ودك اياه لازم يصير
    لازم تسايرين وتسلكين وتتغاضين وتطنشين
    وكل شي تبغينه بيصير بس مو بالطريقه هذي
    معليش اسفه بس طريقتك طريقة اطفال
    اذا ماصار اللي تبغينه تصيحين وتبكين !
    هذي الطريقه ممكن تجيب معاك نتيجه اول سنتين لكن بعدين بيقولك ابكي وطقي راسك بالجدار
    ما اقولك لا تطلبين بالعكس اطلبي كل اللي بخاطرك بس غيري اسلوبك
    انتي امراءه متزوجه مو طفله ببيت ابوك
    وفهمك كفايه 😉
  2. وليش انتي كتاب مفتوح عنده
    اكتمي اسرارك عنه وطنشيه شوي
    غلط كل شيء عندك يعرفه ويدري عنه
    خلي حياتك فيها غموض شوي ابتعدي عنه بالبيت مو ٢٤ ساعه لازقه فيه




    وكمان فيه نقطه ثانيه حاولي ماتدخلين امك بكل خلاف ببنكم او سوء تفاهم
  3. @ertqa5555

    صاحبة الموضوع
    eerr
    ياقلبي الحياه الزوجيه يبغالها نفس طوييييييييييل مو كل شي ودك اياه لازم يصير لازم تسايرين وتسلكين وتتغاضين وتطنشين وكل شي تبغينه بيصير بس مو بالطريقه هذي معليش اسفه بس طريقتك طريقة اطفال اذا ماصار اللي تبغينه تصيحين وتبكين ! هذي الطر…
    لانه هبل فيني اكره شي اللي يقولي امر وبدون نقاش ابي افهمه اقوله ولاهمه 😩
    وكيف بالمسايسه انا ادلعه واطبخ له واذا شفته تعبان ماطلب منه لمين يروق بس عنيد وعنده لازم يمشي كلامه مادري عشان فارق العمر لاني عشرينيه وهو بوسط الثلاثين 🤔
    وشكرا على الرد وياليت تقولين لي بعض الاشياء اللي ممكن تفيدني😭

تابعي تجارب أخرى من هذا القسم.