اختي تبغى رد يبرد حرقه قلبها

السلام عليكم ورحمه الله وبركاته
راح ادخل في الموضوع على طول اختي زوجة ثانيه وعندها طفلين وهي موظفة اتفقت هي وزوجها يسافرون ودفعت مع زوجها التذاكر المهم قبل السفر بكم يوم جاها زوجها وقال مااقدر اسافر عندي شغله مانعتني عن السفر لازم اخلصها حاولت فيه اختي لكن اعتذر منها ووعدها يعوضها قريب 😐 المهم بعدها بأسبوعين قال جهزي اغراضي عندي سفره شغل للعمل ضروري 🤔 عاد اختي على نيتها جهزت كل شي وسافر زوجها وبعد يومين من السفر كلمها فيديو وبالصدفه طلعت زوجته الاولى في المكالمة طلع العم مسفر زوجته الاولى وعيالها وهاوشته اختي واعترف انه مسفرهم وقلبها عل اختي انت ماتبغيني اسفر عيالي انت انانيه وانت وانت الخخ الخخ😢😢😢 اللحين اختي لمت عفشها وراحت لاهلي تقول ليش يكذب علي ويخرب علي سفرتي 😢😢😢 كيف تتصرف عشان ترد اعتبارها ؟؟؟؟ اعتذر عن الاطاله

55 تعليق 17,514 مشاهدة

شاركي في النقاش

سجلي الدخول لإضافة تعليق.

التعليقات

48
  1. اه هذي حياه المعددين اما يميل للاولى او للثانيه
    مافي رجال عادل الا من رحم ربي
    توكل امرها لله سبحانه
    بما انها راحت خلاص تصبر الين يرجع يراضيها
    الله يعينها على حرقه قليبها ويصبرها يارب ويرده لها ردآ جميلآ
  2. @mknsh_sryaah

    معرفه قاعده المعددين .. يبدأ بالأولى يسفره بعدين الثانيه ..طيب خلاص هو سافر ماعاد ينفع يعني زعله بيغير شي الحين جاء دورها يعوضها وهي مرتاحه مااحد ينكد عليه لان اول اكيد هي مارضت فحب يبدأ به على حسابه هو وهي الحين على حسابه ....الله يعينه ... شغل يده .. لأن من البدايه قالت على حسابي لو بتجلس تصرخ ليل ونهار وتنكد على عمره الضعيفه مااحد طق له خبر ماله غير حرقت نفسه بنفسه لكن تنتظر ياجاء تفاهم معه يسفره لأن حتى هي زوجته ام عياله مثله مثله ماهو مطلقه أو معلقه عشان تخاصمه تبقى زوجته ... اشوف الا في اختك عليه غيره.. لا أكثر ولا أقل حتى هي مسكينه اجازه تبي تمشي عياله مثله مثل الناس .... قبل المدارس. ..... ماله داعي الاكشن الي بتسويه روحته لأهله هي تزوجته عارفه انه متزوج فتصبر . قبل تصير مشاكل ..ماله داعي ..وتسمع به الناس
  3. @looly88_1

    صاحبة الموضوع
    مكنسه سريعه
    معرفه قاعده المعددين .. يبدأ بالأولى يسفره بعدين الثانيه ..طيب خلاص هو سافر ماعاد ينفع يعني زعله بيغير شي الحين جاء دورها يعوضها وهي مرتاحه مااحد ينكد عليه لان اول اكيد هي مارضت فحب يبدأ به على حسابه هو وهي الحين على حسابه ....الله يعينه .…
    الله يهديك ترى اللي قاهر اختي انه حجز لها وهي دفعت معاه وبعدين كنسل السفرة عشان يسافر الاولى كان من البدايه هذا الشي
  4. @hoay_albr

    لعل في صرفها عن السفر من الله فيه خيرة لها
    مادام وعدها بسفر ثاني يبقى دين
    تصبر وتحافظ ع بيتها

تابعي تجارب أخرى من هذا القسم.