تجمــــــــــع ((للزوجات الثانيات)) فقط

فراشة هادئة و العامرية مشكورين ياقلبي على ردكم واتمنى من الله العلي القدير ان يمن على كل من تفضلت بالرد علي حتى يرضيها
يااخواتي انا فعلا محتارة والاهم من هذا انه ناوي ينفصل عن زوجته بس والله لاتفكرون اني السبب الرجال مخطط من زمان هذا اللي فهمته وعلى قوله انه بيبدأ حياة جديدة ويتزوج لان الفترة اللي عاشها مع زوجته ما تتعدى السنتين وخلال هالفترة يحلف لعمي ويقول انه متزوج بالاسم فقط وماحس مع زوجته بأي مشاعر ...
المهم تتوقعون ياخواتي انه خلال هالفترة البسيطة ممكن يكون لها غلا عنده..خاصة انه مايشوفها الا في الاجازات ..جاوبوني اللله يسعدكم

واذا ماله الا سنتين وبعد مايشوفها إلا بالاجازات ،،، معناها مالحق يحس انه متزوج ،، وترى البعد جفاء ،، الرجال متى يحس بزوجته اذا عاش معاها ببيت واحد فترة طيبة من الزمن ،، لكن زواج المسافرين مايخليه يحس بالمسئولية أو الاحساس بإنه متزوج ،،

ولازم تتأكدين انه يخاف الله ومستقيم ،،


والمهم قبل كل شيء استخيري الله ،،

واذا فيه خير الله ييسره لك ويكتبه من نصيبك واذا فيه شر الله يصرفه ويبعده عن طريقك ــ

والله اذا على الغلا ياعيوني ياما ناس تفرقوا وهم يموتون ببعض
وياما ناس مابينهم شي عاشوا عشرة سنين طويله..
البقاء بين الزوجين تحدده اشياء كثير منها واهمها الاطفال
ومنها ان الطرف الطيب يرجي الصلاح للطرف السيء.
والقدر المكتوب وهذا الاهم..
حبيبتي اذا مقتنعه بالرجل واخلاقه ودينه فاستخيري زين..
وخلي وليك يسأل عنه تمام لايهمك الكلام اللي صدر منه بس
هذي حياة بتعيشيها معاه ولازم تاخذين احتياطك.

انا زوجه وان شاء الله اكون زوجه وبس لا اولى ولا ثانيه
الله يوفقكم اخواتي بس عندي نصيحه لاتظلمون الزوجه الاول وحثو ازواجكم على العدل ترى بتكبرون في عينه وتكسبي اجر من رب العباد ولاتلومنونها على غيرتها انتي اخذتي اغلى ماعندها استقرارها وراحتها هو صحيح الوحده منكم ماخذت رجل متزوج الا لانها كبيره في السن وماتقدم لها احد وخافت العمر يروح او ممكن اهلها غاصبينها او او مطلقه تااجر والاغلبيه كذا والنادر لانه يخاف الله وكفو وكلها اعذار مقبوله بس برضو انتم خافو الله في الزوجه الاول لانه ممكن يجي يوم ويتزوج الثالثه والرابعه وتذوقي حرتها الله يبعدها عنا وعنكم

السلام عليكن ورحمة الله وبركاته
السموحه ع الازعاج
لكني كتبت سالفتي ومحد عطاني ويه!!!!!!
محتايه رايكن ياالغاليات

وهذي مشاركتي مره ثانيه
والسموحه



اختي الغاليه مون لايت
عليج بالاستخاره ياالغلا
وتوكلي على الله في كل امورج
ربي يعينج ويسعدج يارب