شاركي في النقاش

سجلي الدخول لإضافة تعليق.

التعليقات

1,996
  1. صاحبة الموضوع
    شكلي لحالي هون،،،
    في عرس لجيرانا طير نص الكلمات مني و شتتني،،،
    مش رح نزعل من العريس لأنه مين بده يصلحنا الكمبيوتر لما يخرب؟؟ مشيناها المره
  2. @btra

    زهرة الفراشة
    شكلي لحالي هون،،، في عرس لجيرانا طير نص الكلمات مني و شتتني،،، مش رح نزعل من العريس لأنه مين بده يصلحنا الكمبيوتر لما يخرب؟؟ مشيناها المره
    بدي اشارك بموضوع الصداقه

    الصداقه عطول موجوده بحياتنا والصداقه الحقيقيه تبان بأوقات الشده فيا تلاقي صديقك وقف معك او يتعذر باي اعذار ويبتعد عنك وهاد الشخص صداقته مشوهه وصار عليه علامة استفهام

    اكيد كل وحده فينا مرقت بظروف مع صديقه معينه وممكن يكون صدر من هالصديقه شيء يفاجئك خلاكي تقولي لنفسك ما توقعت يصدر منها هالموقف

    انا عندي قاعده اساسيه بحياتي بأي موقف احط دائما نفسي مكان الغير واحاول اشوف اي موضوع بمنظارهم الشخصي

    علشان هيك التسامح مهم بالصداقه ومهم جدا وبنفس الوقت له حد معين مو المفروض نحنا نتجاورزه والا يصبح غباء

    مثلا عندك صديقه تحبيها وتعزيها تحاول تسيطر وانا فعلا مريت بهالشي اعملي هيك لا تعملي هيك نروح هون ما نروح هون فلانه ما احبها مطلوب مني ما احبها بس لان صديقتي ما تحبها

    وهذا خطأ كبير اني اسمح لاي انسان يفرض علي كل شي هو يحبه وينسا انا شو احب
    وهون تصير الصداقه صداقه انانيه تدور حول شخص واحد وبس

    والكلام بالصداقه يطول وتبقى الصداقه بالنسبه لي شيء مقدس وصديقتي هي بمنزلة اختي

    ودمتم يا اخواتي
  3. صاحبة الموضوع
    طبعا بتصير مواقف، بس الصحبه الحقيقيه عمرها ما بتهزها رياح أو عواصف بتضل صامده رغم كل شي،،،
  4. السلام عليكم ورحمة الله..

    نورت الصفحات يا زهورة والله وأنا مبسوطة كتير إني سمعت صوتك عالصبح.. والحمد لله إنه كان يوم سعيد بالنسبة إلك..

    أهلا وسهلا ببنوتة حلوة.. بيتك يا حبيبتي كلنا فتنا عالموضوع جداد.. وصرنا هلأ قدام.. بس شو كل ما بنقدم بنحلى.. (مقولة لماما الله يسعدها:بتقول إنتو زي قصب السكر كل ما كبر بيحلو أكثر)

    بالنسبة لمواضيع النقاش:

    موضوع الرؤية الشرعية للخاطب.. أنا سمعت بهالحكي وعمري ما فكرت أدور بصير ولا لأ.. لأني قناعتي إنو لم يذكر نصا في حديث عن الرسول صلى الله عليه وسلم ولا السلف إنه صار هالحكي.. ما بخاطر بإجتهاداتي..

    وفضلت أفوت بحجابي العادي.. وزي ما بطلع قدام باقي الناس لما إجى خطيب خطبني.. ولا أحمر ولا أصفر.. أنا أصلا ما بطلع بمكياج نهائيا.. أحيانا بحط خط كحل فاتح .. فقط.. وهيك دخلت على خطيبي اللي هو زوجي.. وبعد كتب الكتاب.. حدث ولا حرج..وكله بحدود..

    أما موضوع الصداقة.. يا زهورة الأمورة:

    الصداقة شئ ثمين بالنسبة إلي.. وما بتذكر لحد الآن فقدت صداقات كونتها.. من حد المدرسة لحد أول مبارح..

    أقدم صداقة معي لحد الآن.. هو زوجي((ما حدا يتخوث)) كان معي في المدرسة من التمهيدي للصف الثاني..

    وصاحباتي من أيام المدرسة كانو 3 ((لأن مفهوم الصداقة عندي يرتبط بالإستمرارية مش الصحبة العابرة)) ولحد الآن في تواصل بيننا برمضان وحدة منهم ال3 ولدت وكنت أول وحدة زارتها بالمستشفى
    بعد المغرب و الباقي.. لو عالتلفون ولا البلاش.. وما بتمر مناسبة إلا بنشارك بعض فيها.. الله يخليلي إياهم يا رب.

    في مرحلة الدراسة المتقدمة في الثانوي كنت بالأردن.. لمدة سنتين.. وطلعت من هالسنتين ب5 صديقات وحدة فيهم كملنا مع بعض بالجامعة بنفس التخصص.. والباقي تزوجو وبعدو بأصقاع الأردن ومازالت بيننا تلفونات ومسجات..

    في الجامعة صداقاتي كانت أنضج وأقوى وتأثرت فيها أكتر عشان هيك هدول ال5 اللي كونا مع بعض شلة أيام الجامعة كلنا على اتصال ببعض..وما بيمر علينا أسبوعين بدون ما نعرف أخبار بعض.. وآخر شي كانت إجازتي الماضية طبعا أنا المغتربة الوحيدة بينهم إجتمعو وعملولي جمعة عند وحدة فيهم وما بتصدقو فرحتنا ببعض لما كل وحدة جاي وجارة وراها سنفور أو سنفورة(( أولادنا)) وعملنا مهرجان وشو الصغار.. هيصو.. وفي وحدة منهم بس مش متزوجة .. كتير حسينا الأيام ركضت فينا .. بدل كتبنا حاملين الولاد.. وقعدنا نحكي عن حياتنا 5 ساعات ما حسينا بالوقت.. أنا كنت مش شايفتهم من 3 سنوات من لما تزوجت.. بس كإنا كنا قبل بيوم متعشيين سوا..!

    بس اللي كان أسعد يوم صداقة في حياتي لحد الآن وما بنساه بعمري.. يوم حفلة وداعي( الحنة)

    كنت عازمة كل اللي كتبتلكم عنهم فوق((حتى صديقي تبع التمهيدي... هههه... مهو العريس))
    كلهم بلا استثناء اجو.. وأحلى شي لما تفرجت على شريط الحفلة.. شفت كيف إنهم البنات اللي كانو مش شايفيين بعض من 3-4-و5 سنين التقو بحفلتي.. وصارو يبكو عأيام زمان.. فرحت بحالي إني جمعتهم و ما كنت مصدقة حال إنو كل صاحباتي بالأردن إجوني من كل مكان.. ولهلأ كل فترة بشغل الشريط عشان أشوفهم.. ما بنساهم..

    وأجدد صداقاتي هي صداقات كونتها مع بنات من عالم حواء.. العالم المصغر تبعنا.. وفي بنات وسيدات بعتز إنها جمعتني هالفرصة فيهم وبتمنى عن جد من كل قلبي إنو تتطور علاقتنا وأضيف ياسمينات الموضوع تبعنا لموسوعة وردات حياتي.. ويشاركو صاحباتي بشريط ذكرياتي..
    أنا أكتر من مرة تخيلت إني ألتقي فيكم..( أكتر من وحدة) ويكون اجتماعنا بعرس وحدة من هالقمرات اللي بالأردن.. عنودة .. نونو.. أطؤوطة.. أو حتى بعرس أحد إخوتي لأنه غالبا حيكون بالأردن .. حتكونو أول المعزومات((أول إشي يخطب أخوي بعدين بعزمكم)) بس والله عن جد هاي أمنيتي.. لأني بالإجازات جربت السنة أشوف نونو.. ما زبطت معي.. كانت إرتباطاتي العائلية رهيبة وهي كان ظرف تدريبها رهيب.. سو..!! طارت الإجازة

    بس بتمنى من ربي يجمعني فيكم دايما على الخير.. لأني بحس حالي متل النبتة وصداقاتي الماء بالنسبة إلي..وونسي الوحيد بعد أمي في حياتي.. لأني ما عندي أخوات ولا بشتغل.. سو...!

    يلا معلش تحملوني.. قرقرت كتير وما دريت بحالي.. بس زمان ما حكيت عن صاحباتي اللي بعتز فيهم.. كل ما انطرح الموضوع في أي مجتمع بكون حاضرة فيه.. ما بتنازل عن ذكر سطر من اللي كتبته فوق.. لأني بحس بسعادة لا توصف وأنا بحكي عنهم..

    اللهم إحفظهم لي واجعل محبتنا فيك سببا لرضاك عنا..

تابعي تجارب أخرى من هذا القسم.