الرضاعة الطبيعية للخدج

السلام عليكم و رحمة الله لاخواتي اللي يدخلوا و يطنشوا 😂 حتى رفع للموضوع مافي 💔
للاخوات اللي رضعوا اطفالهم الخدج طبيعي فيدوني الله يسعدكم 🙏🏻
عندي طفل خديج جايبته في الشهر السابع و ارضعه طبيعي والحمدلله عمره من الولادة 5 شهور و العمر التصحيحي شهرين ونص وزنه 4 ونص والدكتور يقول انه وزنه اقل من المعدل الطبيعي المفروض يكون بين الـ5 و الـ9 كيلو
قالي دخلني صناعي عشان يحصل على سعرات حرارية اضافية و يزيد وزنه انا رفضت عشان حليبي مكفيه ولله الحمد و عشان لا يرفض الطبيعي بعد ما يتعود على الصناعي و الموضوع ماكل راسي و شاغلني اخاف اذا كبر لا يبقى نتفه سنفور بالذات انه ولد صعبه لو بنت ماهي بمشكلة و اندم اني ما لحقت عليه و هو صغير
بالله عليكم يا اخوات اللي رضعت ولدها الخديج طبيعي بعد ما كبر شلون صار ؟ بنية الجسم مثله مثل الطفل المكمل شهوره ولا لا ؟؟
اسمع و اشوف كثيرين من الاطفال الخدج ماشاء الله عليهم بعد ما كبروا مافي فرق بينهم و بين الطفل اللي مكمل شهوره بس ما نقدر نعرف اذا رضعو طبيعي ولا صناعي
كلنا عارفين اكتساب الرضع للطول والوزن احسن قبل الستة شهور لو اقول اصبر لبعد الستة شهور بعد ما ادخل الاكل في نظامه يتحسن طوله وزنه
ارجوكم اللي عندهم تجارب يردو علي 😭😭🙏🏻