قرحة عنق الرحم

السلام عليكم بنات، انا صار لي سنتين متأخره عن الحمل، وكنت اخذ كورسات كلوميد وما نفع معاي.. الاسبوع اللي فات نزل علي دم أحمر بعد الجماع وخفت.. رحت حق دكتورتي على طول وقالت لازم اشوف عنق الرحم... لمن فحصتني اكتشفت عندي قرحة عنق الرحم وقالت لي ان نازل منها دم واقترحت علي ان تكويها كي بالتبريد ووافقتها لاني اثق فيها جداً .. طبعاً الكي نفسه ما كان مؤلم لكن كانت في تقلصات مؤلمه جدا جدا جدا!! (اعتقد لانها كانت عميقه؟) وبس خذت مني مسحه والحين ناطره نتيجة المسحه.. قالت لي ماكو جماع شهر كامل... الحين انا بحاله من الرعب خاااااااايفه حيل من نتيجة المسحه.. طمنوني الله يطمنكم بنات 💔💔💔💔💔😭😭😭😭

7 تعليق 1,244 مشاهدة

شاركي في النقاش

سجلي الدخول لإضافة تعليق.

التعليقات

7
  1. @shmoaay_ana

    الكي بالتبريد يا قلبي اختي مره سوته وقالولها تمتنعين عن الجماع لمدة ٤٠ يوم لحد ما يلتئم .

    وعلى فكرة ترى القرحه تمنع الحمل لذلك قرار الكي قرار صائب بس يبغى له شوية صبر

    وبخصوص التقلصات ممكن يكون هواء او غازات .. تجي احيانا بعد الكشف او اي اجراء يفتحون فيه العنق لو شوي .
  2. @am_ghla_70

    لاتخافين باذن الله ماعليج خلاف ياقلبي ,, انا كويت قبل هالمره كي بارد , وعقبه راحت القرحه الحمد لله ,, قدامج العافيه يارب :)
  3. @zyannh

    صاحبة الموضوع
    شموعي أنا
    الكي بالتبريد يا قلبي اختي مره سوته وقالولها تمتنعين عن الجماع لمدة ٤٠ يوم لحد ما يلتئم . وعلى فكرة ترى القرحه تمنع الحمل لذلك قرار الكي قرار صائب بس يبغى له شوية صبر وبخصوص التقلصات ممكن يكون هواء او غازات .. تجي احيانا ب…
    حبيبتي ربي يطمنج دوم يا رب ... سبحان الله كل شي سويناه عشان احمل وسبحان الله ربي مارزقني... ما توقعنا سالفة القرحه ولا حتى سمعت عنها بعمري عشان جذي خفت 💔
  4. القرحة مالها علاقة بالحمل هذا كلام الدكاترة
    بمعنى اصح ماتسبب اجهاض او تمنع حمل
    لكن ممكن تزيد مع الحمل او مرات الحمل


    قدامك العافية يارب والله يبشرك باللي يسرك

تابعي تجارب أخرى من هذا القسم.