تعالو ضحكوا حاج نكد ☺️

❤غوالي تأخرت عليكن بسردات 🙈#للترفيه_فقط
والله أنا مالي علاقة بالموضوع 💛👀
المهم تعو شوفو شو صار 💜
من وقت سافر تغيّر معي ، وعدني رح يغيب 6 أشهر وبعدها رح يجي يخطبني ، صاروا 10 و12 وما كان يجي 😐
بالصدفة اليوم الصبح فتحت واتس أتطمن عليه ، لقيت صورتو مع وحدة شقرا و شابكين ايدين بعض وكاتب عالحالة
(( With my fiancee❤ ))
أنا حاولت كذب عيوني ، وأقنع نفسي يلي بقرأه غلط ، رحت لعند #عمو_غوغل وعملت نسخ لصق وكبست #ترجمة وطلعلي 😐 (( مع خطيبتي ❤ ))
قال شو ؟!! وز ماي زفتة !!
والله هالغربة خلتو يعرف يترغل أجنباوي ، الله يرحم وقت كان يلفظ the #تهي 😏
رحت طاججتو بلوك خماسي الأبعاد
ونطيت على تختي ، وحطيت أغاني عراقية (( ابتلينا بدنيا غبرة وبخت مايل )) وبلشت انهق وانشق . كرهت حالي ، كرهت الدنيا ، بطلت بدي عيش
انو ليش هيك صار عمل معي ؟!
كيف بدي أنساه ، آهٍ لو بحوذتي كأس من النبيذ 😣
بلش الشيطان يقلي تركك نننااااننا اااا ، روحي موتي انتحري اريحلك نننا نناااااا😛
لعب بعقلي الله لا يوفقه ، رحت عالحمام فتحت درج الدوا ورحت سافقة ظرف كامل دوا ، ورجعت على تختي بنتظر سكرات الموت
وك ما صرلي شي 😐
تقول اكلة طبشور ما هيك ، هاي هية الصناعة الوطنية ، رديت رحت جبت #هالك تبع الصراصير حليته بكاسة مي وشربتو كرعة وحدة
وانتظرت سكرات الموت كمان ولا صرلي شي ، كأني شربانة لبن عيران 😣
تسطحت ع تختي رجعت اندب وبدي طريقة انتحر فيها
رن واتسي ، رحت شوفه ، رفقاتي يلي بالكروب #شلة_عاطلة
بيحكو بعض وبيسءلو عن بعض
هبة : هااااايز غااااااايز وينكم شلة قوموا نطلع عالتاون سنتر
سلمى : أنا هون 🙋
ندى : أنا بروح 😍
أنا : خدوني معاكون وشلفوني من سطح التاون سنتر بدي مووووت😭
خطب وليد وتركني بدي انتحر بس بدي طريقة ما فوت فيها عالنار وكمان ما اتوجع😭
هبة : يعني بدك طريقة انتحار اسلامية ؟!
سلمى : تشردقي بمية زمزم 😂😂
ندى : تكهربي بالشريط تبع فوانيس رمضان 😂😂
هبة : تفركشي بسجادة الصلاة ووقعي شك براسك😂😂
أنا : لك لا تتمسخروا عما قلكون وضعي سيئ و نفسيتي بالحضيض😭😭
طفيت الواي فاي ، وشلفت موبايلي ورجعت حطيت عراقي وبلشت ابكي
مافي نص ساعة أندق باب غرفتي وأخي الصغير لسا ما قلي أجو رفقاتك ؟
كانت هبة دافشتو وقايلتو وسسسعععع هيك
ومعها دبدوب باندا 🐼 ، وقالتلي كنت بدي جبلك حمار بس خفت يذكرك ب وليد😂
و #سلمى معها بلوزة جديدة قالتلي قومي ولي خوتة لبسيها وقومي نطلع مشوار ، هالبلوزة جبتا الي ، وطلعت كبيرة وانتي قد البقرة بتلبسك😂
#ندى جايبة معها علب سكاكر على شكل علبة دوا ، قالتلي ضلي فتحي وكليهون لتخلصي دراما 😂😂
مسحت دموعي وضحكوني من قلبي ، فزيت من تختي ورفست شيطاني
ولبست ورحنا وأكلنا شاورما ، وانبسطنا واضحكنا ورجعت عالبيت طبيت طب ، وكل ما تجي عيني عالباندا أتذكر الحمار يلي كانت رح تجبلي ياه هبة وخافت أتذكر وليد 😂 😂😂
بقلمي
#هبوش


#والله_الصحبة_الطيبة_نعمة_من_الله
#رافق_السعيد_بتسعد
#لاتخلي_شيطان_العجز_واليأس_يربطك
#واجهي_سلبيات_حياتك_بطريقة_ايجابية
منقول🤗