ردود الكرامه

و عليكم السلام عزيزتي



مو بس العازبات اللي ردودهم مثل ما ذكرتي لكن حتى بعض المتزوجات لدرجة اتسائل مع نفسي هما أزواجهم ملائكة ؟؟!! لأنه مرات تكون المشكلة تصرف شااائع عند الرجال و مواقف تصير بكل البيوت و بين أغلب الأزواج ... مثلا وعدها أنه يطلعها للسوق بس صار عنده شي ثاني و كنسل الطلعة و هي زعلت ... راجع للبيت تعبان و جوعان من الشغل و زوجته نايمة و مو مسوية الغدا و عصب عليها و هي زعلت ... يتابع مباراة كرة قدم و هي تريد تسولف أو تطلع و رفض و هي زعلت ... واحد من الأولاد طاح و تعور و هو عصب عليها ليش ما انتبهت له و هي زعلت ... طالع مع أصدقائه و هي بس تتصل كل شوية و رد عليها بعصبية ليش الملحة و هي زعلت ... و غيرها من المواقف و الخلافات اللي ممكن نقول عليها عادية و تصييير بالحياة الزوجية ... تجي الزوجة الزعلانة هنا تشتكي أو تفضفض تجيها ردود تخبيب و استنكار و استغراب تحسسها أنه زوجها مجرم و أحقر انسان بالدنيا و كأنه هما أزواجهم ما يعصبون ما يزلون ما يغلطون ما ينقلب مزاجهم ما تصير بينهم خلافات و مناقرات

بس أقوى شغلة شفتها اللي يشجعون الزوجة و يسخنوها أنها تروح تزعل ببيت أهلها حتى تربي و تأدب زوجها على قولتهم و من تروح و يطنشها زوجها و ما يهتم لها و تصير طلعتها من بيتها فكرة مو لصالحها أبدا و ترجع تكتب هنا أنها سمعت كلامهم و طلعت بس انقلب الموضوع عليها و تأزم الوضع اكثر ينكرووووونها و يقولون لها احنا ما علينا المفروض انتي تشوفي و تقدري اللي يناسب وضعك غلطتك انتي !!! و طبعا لو ما كانت طلعت من بيتها يسموها بدون كرامة و يقلبون عليها أنها ذليلة و ما تسمع النصائح و ضعيفة و و و !!! ... ياما حالات مرت بهذا القسم صارلهم نفس الموقف و اكو اللي فعلا تطلقت ... حتى اذكر وحدة زوجها دخل بمعرفها و كتب أنه طلق زوجته بسبب نصائحهم و أنها سمعت لكلامهم ... القديمات راح يتذكرون القصة اللي كانو عندها اهل زوجها بالبيت ضيوف و تشتكي من خدمتهم فنصحوها بعض البنات أنها مو ملزومة تضايفهم و تروح لبيت أهلها و تترك زوجها هو يخدمهم

ارجوك لا تخلطين الحابل بالنابل

الكرامه عزيزه عند اهل العز المحشومين من الردى

وكرامتهم تكون في خطر اذا تم اهانتها وذلها بالضرب والخيانه الجسديه بالزنا او اللواط والشذوذ

في هذي الحالات اذا لم تتحرك الكرامه في داخل الزوجه فلتستعد للعيش مسلوبة الحقوق مقهوره مذلوله برضاها

الصبر على الاذى من الزوج له حالات معينه وحدود

والكرامه بين الزوجين والاهل كذلك لها حالات معينه وحدود

الخلافات والمشاكل والتقصير والزعل العادي الكرامه مالها دخل فيه ولا يناسب اقحامها فيه لان الكرامه عزيزه ومرفوعه عن التفاهات والامور الصغيره

مو الي تقول : ماعندك كرامة
ما قالتها عبث ، قالتها قياسا على ردة فعل البنت
هذي الجزئية تفرق ترى ، مو عشان تكررت نفس الكلمة صارو البنات يخببون ! ( مع ان
فعليا ما انكر وجود ناس تحب تكبرها ) ..
اسلوب البنت هو الي يا يخلي الرجال يحترمها ويتادب او يزيد بالغلط
ولان كثير من البنات اسلوبهم من النوع الثاني نجي نقول لهم خلي عندك كرامة

صحيح كفيتي ووفيتي

شكرا لك الوان