تجمع 111 للمقبلات على الحقن المجهري وأطفال الانابيب

بنات سار شي غريب معاي
توي أخذت إبرة التثبيت ف العضل
الْيَوْمَ ١٠ من الترجيع
ونفس الوقت اللي اخذتها فيه جاني دوران ودوخه وحراره وخفقان ف القلب وغثيان خفيف
دقيقه انسدحت وغمضت عيوني وراح
اول مره تسير معاي
بس مره خفت انها اثرت علي
قد سارلكم زي كذا ؟؟

ياحبيباتي الف شكر يابنات واسمحو لي ارد برد واحد مانبي طاقه سلبيه
تسلمون وربي يعطيكم العافيه ويوفقكم يارب وتبشرونا
والله اني قويه جدا ومومنه جدا وعندي يقين تام وراضيه ومتوكله على الله ومحتسبه ومش يائسه ابدا بالعكس متفائله وادعي للكل وافرح للكل.
لكن جد زي ماقلتو عادي الانسان يمر بفترات يتعب فيها نفسيا. ودي اطلع اغير جو اسافر بس زوجي موقادر حاليا كثير مشغول
انا اللي جايني احساس غريب كره على غضب على عصبيه من اللي حولي وماابي اشوف حد احس داخلي زي البركان اللي يغلي على الصامت .
وثانيا طبعا ما قد تكلمت عن علاجي ولا عملياتي بس استغربت من وحده من بنات عماني قالت لي راح تعيدي العمليه انصدمت مره ماادري كيف عرفت قلت لها لا وهذا من فتره طويله. يمكن هذا الموضوع يشكل ضغط علي. ماادري والله مشاعري ملخبطه. يمكن احتاج اشوي وقت علشان الملم نفسي.

الله يعينك يا رب
هي مسألة وقت

و عندي طريقة مجربة
صلي ركعتين
و اجلسي عالسجادة ناجي ربك و احكي الي نفسك فيه بترتاحي

ايوه انا اللي يسالني اقولهم من اللي حصل لي في الحمل الاول افكر كثير اخاف اعيد التجربه بالعمل ضابطه هالسالفه بس اهلي والله يصدقون او لا

تهاني بقولك حاجه مهمه كلمتك صح انا اوفر صح عارفه ليه شوفي نفسك لما سمعتي نبض اطفالك وربي مااراد لهم قلبك انكسر و اشتقتي مره تسمعين وتعيشين اللي عشتيه زيه اللي يحصل معي ومع ام اولادي كمان ولحظات لما تعيشين الشي يكون اصعب وتحسينه مرات هل كان حقيقه او حلم. والام بطبيعتها تشتاق لطفل صغير بالبيت
انا اعترف انه فشل ٣ عمليات بعد ولدي كثير ماثر فيني بس مااطلع هالشي لكل اللي حولي حتى انتم يمكن ما فضفضت الا من بعد الفشل لاني اعرف كويس انكم تقدرون تحسون فيني. وللاسف اعترف اني هالشي حاليا مو مخليني استمتع بحياتي

بنات بفضفض شوي


انا الحين قمت عالحمام بعد خمس دقايق من الترجيع


صح لو ممنوع الممرضة ما وافقت؟


الله يسامحهم خلوني اشرب ماي كتير لين ما استحملت


و تو جالسة افكر انهم هما نقلوني من غرفة العمليات للغرفة الثانية عالسرير
مو مشي


ربنا يستر بس