اكبر مصيبة..🤦🏻♀️🤦🏻♀️🤦🏻♀️💔
متابعة النقاش، صفحة 8
شاركي في النقاش
سجلي الدخول لإضافة تعليق.
التعليقات
53- المصيبه اللي اتذكرها كل ماشفت زيت وقلايه هي لما كنت صغيره زمان يمكن كان عمري ١٢ او ١٣ سنه اشترينا قلايه عائليه بالكهربا وكانت تاخذعلبه كامله زيت من الحجم الكبير وكان الوقت رمضان وامي قلت فيها سمبوسه وقفلتها وتركتها على الطاوله حتى تبرد وتردها مكانها ونسيتها وجيت انا بعد التراويح ابغى اشيلها عشان ارجعها مكانها وانظف من تحتها(( لقافه محد طلب مني اشيلها بس مسويه سنعه🤦🏻♀️)) وماشلتها من الجنبين لان شكلها اسطوانيه لا شلتها من الغطا والغطا كان مفتوح وزلقت القلايه من يدي وطاحت على الارض وانكب كل الزيت منها على سيراميك المطبخ وصار المطبخ مسبح زيت دخل تحت كل حاجه تحت التلاجه والفرن والدولاب والدعاسات مافيه مكان ماجاه زيت والزيت كثير بشكل مدري كيف😂😆 وجلست بدل لاانظف الطاوله صرت انظف المطبخ من الزيت لمدة اربع ساعات😂😂 مع كم كلمه من نبع الحنان على كم نظره ودها تنحرني بس الدنيا رمضان والمسامح كريم😂😂
- ههههه الله يسعدك
- نكباتي واجد واجد ماقدر اعدهن
بالقدر الضغط احط الدجاج والرز واقفله وعلى النار
وامسك جوالي واقرقر مع ماما قرقرقر
ويجي ولدي يممممممه المطبخ فيه بخور كثير من حطه
😎😎😎😎 واروح اشوف مصدر البخور الله لايوريكم
العشاء احترق وصار الرز اسود والدجاج مدري وينه اختفى من كثر ماحترق
والقدر سموعه ذابت وراح فيها☹☹☹☹
وقفت بالمطبخ اشوف لي دبره وش اعشي هالرجال وعياله
وتجيني هالفكره الجهنميه
وبسرعه افتح الشبابيك واشغل المراوح واحط بخور بخور صدق مهو بخوري الاول
واطش القدر
وجاء زوجي العزيز وين العشاء
وارد عليه بكل براءه احترق 😊
نطلع نتعشى ونتمشى وش رايك
يلا مشينا
وش ورانا مشينا
وتعشينا
وشرينا قدر
وتوبه بعدها كل ماركبت اكل على النار وابي اكلم ماماتي اكلمها وانا جالسه بالمطبخ مراقبه قدري - اه 😫 ذكرتيني باللي مضى كنت مواصله للصبح وصحيت زوجي للدوام يفطر راح من هنا وقلت له قبل لايطلع المويا انقطعت قالي طيب اللحين بكلم حارنا وبسرعه ترجع ونسيت ان المويا مقطوعه ورحت الحمام وم عرفت كيف بغسل وجليت افتح المويا اللي بالحمام فتحت اللي بعضهم يسمونه بربيش حق غساله الاتوماتيك طبعا كنت مركبه 2 بس بدون غساله المهم وطلعت نمت 😁 وصحيت وحده الظهر اسوي الغداء لما قمت نزلت رجلي من السرير الا مويا 😅 وربي قمت مثل المجنونه انا نمت من هنا وانفتحت المويا من هنا طبعا انا حمامي فرنجي ولا كان راحت المويا طبعا طلعت ع غرفه النوم وطلعه للصاله وعدمت الموكيت وراحت ع جهه غرفه الجلوس ياربي وجههي صار كذا 😑 موقف الله لا يعيده
- اتذكر مصايبي ولقيت لي وحدةً طازجه من اشهر تقريباً
مره كنا بنطلع استراحه انا ومامي وركبت سيارة اخوي ونسيت سفرةاكل لاعادها الله وكنت جهة الشارع😩وافتح الباب ولا سياره جايه وطرخ بمراية الرجال وباب اخوي راح فيها والله يعوض عليه ويخلف عليه ان شاءالله❤️والحمدلله على كل حال
مواضيع مشابهة
تابعي تجارب أخرى من هذا القسم.