لكل اخت ناضجه وعاقله تدخل❤️

مرحبا اخواتي ؛؛
انا متزوجه من ١٨ سنه والحمدلله وعمري على مشارف ال٣٥
اللي تشوفني تقول عني اجوديه وبنت رجاال ولي شيمه وقيمه بين الحريم وهذا من فضل الله مو شطاره مني
عندي ٣بنات الحمدلله
مشكلتي الاتي،، انا حساسه وعصيبه وحنونه جدا وانفعالي واندم بسرعه وزوجي بارد في استقبال المشكله وردت فعله عنيفه وتخوفني جدا
لما تصير مشكله يصير يهدد بالطلاق وبأخذ البنات (( هو مدخن وكثير الشك والغيره))
يغار من رجال اهلي كلهم ولو بيده يقطعهم عني
يغار اذا استقبلتهم
يغار اذا ضحكت معهم
يغار اذا اعطيتهم شي
انا احاول اعزز ثقته بنفسه اهدي له وابين له انه ماشاء الله محد مثله
هو انطوائي يكرهه التجمعات يكره اروح لجاراتي يكرهه استقبل ضيوف واليوم اللي يكون عندي احد يكون ثقيل على نفسه
علاقته ببناته جيده ومع اهله ممتازه لكن يغار من اخوانه وامه تعرف هذا الطبع اللي فيه بس ما تتكلم ولا انا اتكلم ومبين عليه من ردات فعله لو جات سواليف بأي موضوع يبين عليه
لو احد من اخوانه جاب لاحد بناتي هديه يزعل يصير يقول مبسوطه عجبك ويصير يظن ان اخوانه جابوا الهديه لبناتي عشاني
مثلا اخو زوجي اهدى لبنتي طقم مكياج عمر بنتي١٧ وهو ولع ليش يجيب لها وكيف ؛؛ قلت عمها مافيها شي قال لا اكيد احد قال له يجيب!!!! اي هديه من عمانهم يرميها فالزباله
وبنفس الوقت يحب اخوانه ومايرضا عليهم
انا احب امه وابر فيها ومن طيب خاطر مني وهي تستاهل الله لا يغير علينا حتى لو صار بيني وبينه شيء اشتكي عليها بس الفتره الاخيره ماصرت اشكي عليها كبرت وكثرت امراضها والله يعلم ما ابغى ازيدها تعب واضايقها وهو كمان صار يزعل اذا شكيت على اهله ويقول تبغين تسوين فتنه اهلي يحبوني ومن هذا الكلام ؛؛ وانا الله يعلم ليش كنت اشكي عليها واترك اهلي لان السواليف تتعلق بالشرف وتعرفون مجتمعنا لو اهلي عرفوا بسواليفه سحبوني من بيته غصب عني
انا تعبت من اسلوبه ومن غيرته ومن الشك وعنده مبدأ المتصيد الزله ويشوف نفسه ذكي مرره وهو عكس ذلك تماما
اذا جو اهلي يكرمهم جدا وبعدين يصير يمن علي انا اعطيت انا جبت انا اكرمت وانا اقول له كثر خيرك مافي مثلك وعلى اي مشكله يصير يمن علي
بنات ادعوا لي واللي تفهم بالانماط تساعدني الله يسعدكم ❤️
وهل اسلوبي فيه شي غلط ؛؛ عشان كذا المشكله مو راضيه تنتهي؟!