زوجي وفترة الزعل الطويله

زين زوجك كذا عصبي مع الكل ولا بس معاكم
اذا هو طبعه عصبي مع الكل حاولي تغاضين وتهدين اذا هو عَصّب
صراحة الله يكون بعونك سالفه الزعل يمكن هو مرتاح عليها لا طلبات ولا مشاوير
وخذها طريقه عشان يرتاح
والله ياختي مادري شقول لك مقاول الا ربي يعينك ويهديه عليك بكثره الاستغفار
بالاستغفار تنفتح الأبواب المغلقه

الله المستعان.. مدري كيف يفكرون بعض الرجال.. زوجك متضايق من شي طويل الأمد مو بسبب مواضيع تجي فجأة بس هذي المواقف تخليه يزيد.. فكري واسألي نفسك وش هذا الشي متضايق من ايش.. أما حكاية بالايام من الدوام للبيت ولاكأن معه عايلة لاتسكتين تكلمي وأرسلي له رسايل بس رسايل حكمة مع عتاب مو صياح وسب.. الله يهديه ويسخره لك وأولاده ويصرف قلبه عن كل من يصرف قلبه عنكم..

مافيه غير الدعاء سحر عجيب بعد الله
استغفار صلاه علا الرسول صلى الله عليه وسلم والحوقله وصلاه الليل
والي كذا حاولي تتجنبين المشاكل معه
قومي بواجبك الحين وسعي صدرك
رتبي غرفتك غير مفرشك لبسي ورتبي اكل جديد ومن الأمور هذي وروحي عنده حاولي تراضينه
والله يهديهم جميعا
وايه فيه رجال يرجعونك من اي مكان

وربي دموع نزلت تعبت خمس ايام على ذا الحال تعبت حامل وحالتي حاله وطفلي عمره ثلاث سنوات ونص متعلق في ابوه يوميا يبكي يبغاه ويبغى يطلع طفش طيب وش اسوي احسني منهاره تعبت من شغل البيت وطبخ الاولاد وعندي مغص مع الحمل يارب ارحمني

والقهر كل فترة زعل طويله تمر اكتشف من جواله انه يتفرج مقاطع اباحيه فترة الزعل طيب ليش وربي قهر