زوجي وفترة الزعل الطويله

ﻻ عاد تحملي ارجوك
مع رجل عديم المسؤولية ...

افا يا داخلي طفله ليه كذا بس الله يهديك.. ارحمي نفسك لا بكرا تمرضين اسم الله عليك والا تكبرين قبل وقتك.. اهتمي بنفسيتك حبيبتي..
خليه يزعل بدل اليوم عشر.. مع نفسه.. انتي رايتك بيضاء الحمدلله.. واذا تبين حل تنتقمين فيه وتقهرينه على تصرفاته الغبيه فالحل "انك تكونين سعييييده ومبسووووطه"..
ترى ما يقهر الرجال وقت مايقاطع زوجته الا ان شافها مستانسه ومبسوطه.. والرجل بطبعه ينجذب للمرأة السعيدة المبتسمه وينفر من النكديه اللي بس تلوم وتعاتب ودموعها اربع اربع..
افتحي مسرحيه والا فيلم كوميدي واشبكيه بالتلفزيون وجمعي عيالك واضحكوا.. مع فشار وعصير.. بيجي البيت مستغرب.. وقولي مناير قالت..

خلك ذكيه ياقلبي.. ترى هو ينبسط ان شافك كذا منغثه ومحتاره وتفكرين فيه الليل ورا النهار.. هالرجال فيهم لؤم الله يهديهم ويحبون دور محور الكون.. عطيه اكبر طناش بالدنيا وانبسطي بس مسيره بيركد ويعقل لكن طولي بالك..

مشكوره وللكل الاخوات اللي ردو الله يقويني يارب

الله يسخره لج تسخير يعجب منه خلقه الله يصلح مابينكم يارب

الله يعينك ويسخره لك
اذا هذا طبعه جاريه حتى لو غلطان
وش بتسوين
تغافلي قد ماتقدرين