تغيير الحليب للرضع ، سؤال؟

السلام عليكم ورحمة الله وبركاته🌹
كيف الحال ؟
تغيير الحليب الصناعي معور قلبي على ضناي
اول مره عطيته بيبلاك وسبب له غازات وكان ثقيل وبعدها غيرت لابتامل قعد عليه شهر وارتحت ان ناسبه بعدها قعد يسهل وايد اسبوع كامل صياح ومغص ، واسهال مع كل رضعه ‼️للعلم ‼️اعطيه صناعي اكثر من الطبيعي بسبب مايتقبل صدري وعانيت بالرضاعة سالفه طويله ماعلينا منها الزبده ان ماتقبل ، وديته طبيب وكتب له سيميلاك كومفورت الوردي ونفس الشي يتعب من بطنه واسهال 😩 ورحت للدكتور مره ثانيه وكتب لي حليب تركيبه خاصه بليميل بلس بالأرز والماي البخاري وقلت له مابي اغير له كل مره يضر والأمور قال لو تغيرين كل يوم ماراح يضر ومافي مشاكل والحمد لله مشى عليه وبطنه زين بس هذا موقت فقط ورجعت اعطيه بليميل بلس العادي ورجع له الإسهال وربي تعبت نفسيتي شو الحل لا الدكتور يعرف له ولا شي وامي راحت بنفسها تشتري له نوفولاك الاخضر قالت هذا الكل يمدحه وعطيه على مسؤوليتي والصيدلي بعد كان يمدحه وعطيته الحين بس مب مرتاحه ومابي العب فبطنه أكثر والدكتور قال ولدج بس تركيبه خاصه والحين نوفولاك اول رضعه بتركيبه خاصه الاخضر واعطيه دايما المفروض ووبشوف النتيجه بس ريحتوني قولوا لي منو نفس سالفه ولدي وشو رايكم بنوفولاك الاخضر وهل هو موقت ولا دايما ؟؟؟؟؟

5 تعليق 9,111 مشاهدة

شاركي في النقاش

سجلي الدخول لإضافة تعليق.

التعليقات

5
  1. مشكلة ولدك مو من الحليب من تغيير الحليب باستمرار
    طبيعي لما يتغير حليب الطفل يجيه اسهال او امساك او غازات فترة ويتعود
    خليه على بليميل وتحملي اول فترة وبعدها خلاص او استمري على حليبه اللي تعطينه الحين ..
  2. @maroco_2017

    انا بستعمل نوفالاك لبنتي بس ازرق كثير رتاحت علية كان اول حليبه نورسي و سبب لها امساك
  3. صديقتي نفس الشيء عند بنتها كتبلها الدكتور حليب نوفالاك لحالات المغص منعمر شهر الى ١٢شهر
  4. @am_albndry_99

    ياعمري انتي معاناتك نفس معاناتي بس انا مشكلتي بالماغص والاستفراغ 😔كل شوي يستفرغ ماخليت حليب ماعطيته ونقص وزنه كثير حاليا. أعطيه رونالاك والحمد لله زاد وزنه بس الاستفراغ باقي ماراح 😢

تابعي تجارب أخرى من هذا القسم.