من الاخر ماراح تروح ابدا.. وحتى نجمات هوليود فيهم هالتشققات والمعجبين منهبلين عليهم.. والاطباء يقولون انها ضريبه الامومه.. فاستريحي ياقلبي..
اذا تبين حلول مؤقته ففي كريمات ملونه للجسم زي الفونديشن.. او حطي نقطه فاونديشن بيدك وامسحي بطنك (بس بلون اغمق مو افتح) وهذي خدعة معروفه حتى بجلسات تصوير الاجانب يستخدمونها..
طيب نجي للمهم.. هل هالرجال يدري انك ام والا لا؟ اكيد يدري ويعرف انك مريتي بحمل وولاده وقابل وراضي ومبسوط فيك.. واذا عمرك ٢٦ فهو اقل شي عمره فوق الثلاثين فرجل ناضج فاهم ومو اكبر همه تشققات بطنك.. هالتشققات اذا انتي تقبلتيها واعتبرتيها شي عادي بتنسينها تماما.. الموضوع يبي له ثقه ياقلبي.. واذا هذا اكبر عيوبك فمعناته انتي جميله الجميلات ماشاءالله..
شوفي بالزواجات تجي وحده متيييينه وجسمها مترهل وكلها كلف وتقوم ترقص طول الوقت على كل الاغاني.. والحريم يناظرونها باستغراب على كل هالثقه.. تدرين هالنوعيات المتصالحة مع عيوب شكلها وجسمها اغلبهم رجالهم شايلينهم فوق الراس ويموتون بالارض اللي تمشي عليها.. ليه؟؟ لانها عايشه حياتها ومبسوطه ماتعكننت على عيوب بالجسم.. التصالح التصالح التصالح..
وارجع اذكرك انتي جميله وادري قمر بدون ما اشوفك.. الله يوفقك ويهنيك ويسخره لك.. روقي ياعروسه وانسي هالتشققات اللي لا تودي ولا تجيب..
كيف اتزوج وانا مرتاحه
متابعة النقاش، صفحة 2