السلام عليكم
بنات انا ارمله وعندي عيال ...وسبق وحكيت لكم زواجي بعد شهر اوك
الحين بالنسبه للعيال بيبقون عند جدتهم ام ابوهم لئنهم ماراح يوافقو اخذهم معي
وبيني وبينهم مشاكل ماراح اقدر اتواصل معاهم
هم يقولو ماراح نحرمها من عيالها كل نهايه اسبوع تاخذهم عندها
هل هذا عدل ؟
خايفه ومتردده
عيالي اكبر واحد١١ سنه
وأصغر واحد ٣ سنوات
والصغير بيبقى معي ما عندهم اعتراض
والكبار عندهم
خايفه ع نفسية عيالي يقولو انحرمنا من ابونا وامنا
وربنا الله هم عيالي متعودين عليهم ويحبوهم واهل ابوهم كويسين معاهم جدا وعيالي ينبسطو ويفرحو لا جا يوم خميس علشان يروحو عند جدتهم
بس انا خايفه انهم يزهقو او يحتاجون شي وانا بعيده عنهم
غير كذا ان شاء الله فتره قصيره واجي اسكن عندهم في نفس المنطقه وقريب جدا منهم
وبكذا وقت مابغيتهم اجيبهم عندي
لاكن أحيانا اقول خلاص ببقى لهم وأنسى الزواج عشانهم
لاكن اقسم بالله
اقسم بالله
اقسم بالله
الوضع عند اهلي ما يساعد ابد ابدا
اكثركم عارف حكايه البنت لمى ترجع عند اهلها لئني عجزت اشكي واشرح
شورو علي يا بنات خايفه اتندم بعدين
واقول في نفسي ابقى ارمله ولا اتطلق بسبب أني مااستوعب بعد عيالي عني
ع فكره عيالي متعودين ينامو عند جدتهم آخر الاسبوع يعني مو شي جديد عليهم
وجزا الله من ترد علي الجنه
شاركي في النقاش
سجلي الدخول لإضافة تعليق.
التعليقات
96- ليه ماجلستي مع عيالك في بيت أبوهم الله يرحمه بدال ماتجلسين عند بيت أهلك
حنا عندنا الأرمله ماتطلع من بيت زوجها تجلس مع عيالها واذا تزوجت مره ثانيه على بيتها مااحد يقدر يمنعها - اهم شي عيالك موافقين خلاص
انتي استخرتي وربي يتمم فرحتك على خير
اهم شي وقت السفر اتصلي عليهم وحسسيهم بالاهتمام
ما اقدر أقول الا الله يعينك ويطلع زوجك الثاني يخاف الله فيك وفِي الأيتام 😔 - اتوقع مالهم حق ياخذونهم انتي امهم اولى فيهم حتى لو تزوجتي اسالي وتاكدي واعرفي حقوقك
- مدري عمر الصغير٣سنوات
وواضح انكً صغيره كان صبرتي كم سنه الين يشتد عوده - لا والله ضد فكرتك بالزواج
معليش اتحملي رأيي لو هو قاسي ويمكن تعارضينه
بس انا لي فكره دايم اقول
اقول هل ياترى بتاخذين رجال ينسيك الهموم ويعيشك ملكة
الغالب بيكون متزوج يعني مشاكل جديده مع اهل زوج وضره وعياله ووووو
والله كان اريح لراسك تربين عييلك وتمسكينهم وتاخذين فيهم اجر كونهم يستاهلون التضحيه وهم اولى يكفي يتمهم بعد بينحرمون منك !!
لاتقولين برجع ويزوروني ياحبيبتي الزياره غير المعيشه والقرب المكاني له دور
عيالك اولى فيك انك تعيشين معهم مو تخلينهم وتعيشين مع رجال ممكن يطلع مايستاهل
والله نار الاهل. ولانار زوج وضرة وهموم جديده
الارمله تقدر تعيش بعيالها لانها تضمن عيالها معها طول العمر عكس المطلقه ياعيني ممكن تختار الزواج لان عيالها مأخوذين غصب عنها
يحبون اهل ابوهم ماقلنا شي بس هم احوجلك من جدتهم احولك انت بطفولتهم بمراهقتهم
الام تضحيه .. لاتقولين موافقين صغار وش عرفهم ببعدين لعبه ترضيهم
مدري وش اقول
بس هذا رأيي
وحبيت اقوله ارجوك لاتتضايقين من كلامي
وتقبليه وممكن مايعجبك واذا ماعجبك كنك ماقرتيه
الله يوفقك
واختلاف الرأي لايفسد الود
مواضيع مشابهة
تابعي تجارب أخرى من هذا القسم.