الأكشن حقي 🤓
كان يوم جمعه و كان باقي لي ٥ أيام و ادخل التاسع و كنت انتظر متى يجي يوم الأربعاء علشان ادخل التاسع 😅
المهم رحنا من الظهر بيت أهل زوجي و ماكنت حاسه بأي شي غير التعب العادي و رجعنا الشقه الساعه ٩ جلسنا شوي الى قريب الساعه ١٢ و قلنا خلاص بننام فجأه حسيت في ماي دافي نزل 😳 بس بقعه صغيره و قلت لا ما اتوقع ماي الجنين لأني شايفه كيف ينزل الماي لما كنت حامل بولدي
شوي و ينزل مره ثانيه بس اكثر من اللي قبل 😳 و انط الحمام و يبدأ الماي يصب صب 😅 بس جاني شعور غريب حسيت اني متبلده ماعندي احساس اني بولد
تروشت و شلت شنطتي اللي مجهزتها من شهرين 😂 و شيكت على باقي اغراضي و رحت الطوارىء قالوا لي الرحم مفتوح ١ ونص بس لازم تدخلين التنويم بما ان الماي نزل
و دخلت التنويم و طلعت اللي في السرير اللي جنبي نفس الحاله 😅 بس هي عندها طلق خفيف يبين في الجهاز اما انا مااااافي اي طلق او بوادر حتى 🤓
المهم لما جاء الصبح و جات الدكتورهقاست الرحم قالت مفتوح ٣ و سوت لي تصوير قالت كل شي تمام بنعطيك فرصه الى بكره الصباح إذا ماولدتي بنحط لك طلق صناعي
و اقعد طول اليوم اصب ماي بس مافي و لا حتى ريحة طلق 😂 و ظليت على هالحاله الى الساعه ١ في الليل سوالف و نقاشات مع اللي جنبي 🤓 بعدين تذكرت إن مرت اخوي جايبه لي قهوه معاها قرفه قلت للي جنبي دام ماعندنا نيه نولد شرايك نتقهوى ؟ قالت أوكي و اصب لي كوب و لها كوب و نتقهوى و ننام
صحيت الساعه ٣ على الطلق اللي مسكني 😳 و التفت على اللي جنبي و ألقاها نفس الشي مركبين لها التخطيط و فيها طلق 😂 و اقعد أحاول اتنفس و احاول اني اكون جالسه و ظهري مستقيم لما يجي الطلق و حسيت انه صار يزيد و يتقارب بسرعه و على الساعه ٥ تقريبا حسيت إني خلاص مو قادره اتحمل و انادي الممرضه تقول لي صبري تجي الدكتوره قبل اذا مفتوح ٥ نوديك للولاده و اقول لها خلاص اتوقع انه اكثر من ٥ و تطنشني و تروح و هي تقول عادي هذا ولاده لازم ألم 🙄
شوي و خلاص فقدت السيطره صرت اصارخ و جات الممرضه بسرعه و معاها ممرضه ثانيه شكلها المسؤوله عنهم و تقيس تقول ٥ .. و انا اقول في خاطري مستحيل هالالم اللي احس فيه و بس ٥ المهم انهم سحبوني بسريري و ودوني على غرفة الولاده و على طول قالت لي القابله تعالي على السرير حق الولاده اقول لها يعني خلاص ولاده الحين ؟ 😳 لأن الممرضه تقول ٥ قالت لا خلاص ١٠ ولاده
المهم اني ما ادري كيف قدرت اتحرك و اروح على السرير الثاني و الحمد لله ربي يسرها وولدت بعد ربع ساعه تقريباً كانت الساعه ٦ الا ربع و ما احتجت لجراحة و بس صار عندي تمزق بسييييط قالت لي مايحتاج خياطه
و عطوني بنتي و سمعت صوتها تصيح ❤️ و ماودي اعطيهم اياها بس قالوا لي لازم نف***ا و قالوا لأن وزنها ٢٢٠٠ و عندها ضعف بسيط في التنفس لازم نخليها في العنايه و لأن ولدي جبته و عنده مشكله في الكلى قالوا لازم نسوي لها فحوصات
خلوني بالمستشفى إلى ثاني يوم الصبح و طلعوني و كان يوم الأثنين و لما جاء العصر رحت لبنتي رضعتها و رجعت و اليوم اللي بعده طلعوها الظهر و الحمد لله فحوصاتها سليمه ❤️
و جاتنا أحلى جمانه 😍💋
💙💖تباشير 7 لاحلى مواليد يولــــــيو&اغسطـــــس2018💙💖
متابعة النقاش، صفحة 351