تجمع/اللي زوجها عدد الحيوانات المنوية عنده (صفر)

السلام عليكم .. كيف حالكم بنات ؟


أنا عروسة جديدة مالي ٤ أشهر وأحب الأطفال جدًا لدرجة دراستي الجامعية كانت رياض اطفال من حبي لهم وزوجي يعشق الاطفال ..


ومشيئة الله فوق كل شي .. زوجي حلل وطلع من أصحاب الصفر ، قد ما أوصفلكم حجم صدمتي ماراح أعرف اوفي بالكلام مضيت أسبوع في البكاء والضياع من كثر التفكير والهم دورتي كانت ٧ ايام سارت ٣ ايام ودم قليييل جدًا .. لكن ما اقول الا الحمدلله على كل حال ..


والحمدلله وجود غيري مثل حالي يطمن قلبي شوية
الله يرزقني ويرزقكم بالحمل عاجلًا غير اجل بدون اي تدخل طبي ويقر عيننا بالذرية الصالحة المعافى البارة 💔

الله يجعله زواج مبارك وسعيد ، ويرزقنا ويرزقكم ذرية صالحة عاجلاً غير أجل يارب ،
وش سويتوا قدمتوا على مستشفيات للعلاج عشان تعرفون السبب .. لاتنتظرون ابداً
ابتدوا بالعلاج

تونا سوينا تحليل للحيوانات المنوية وكل المستشفيات والدكاترة الكويسين موعدهم اقل شي قي محرم 💔

ياربي ذكرتيني بنفسي حلل زوجي وانا عروس وكانت صدمممة عمري انه عقيم
صدقيني الصفر رغم انه للوهلة الاولى تحسين مافي امل بس باذن ربي بيكرمكم الله اهم شي الصبببر وابدو علاج بدري نصيحة وخبو موضوع العلاج لاحد يدري فيه بخصوص الاطباء افضلهم شريف ابو بكر بصرف العلاجات بسمير عباس الرياض ودكتور عادل الدايل بصحة الرجل بالدمام وعنده رقم واتس اب ويرد عليه
اما بخصوص عملية المسح المجهري افضلهم حمود المطرفي
نصيييحة ياختي مع علاجكم ارقو انفسكم واكثرو من الدعاء والصدقة وقيام الليل ولا تقطعون العلاج استمرو عليها سنتين متواصلة حتى مافيها ضرر بس الافضل كل كورس يتغير العلاج اذا مافاد مع زوجك والكورس بعلاجات الرجال هي ٣ شهور
اذا رحتو للطبيب اطلبو منه يحلل هرمونات ويسوي اشعة للخصية عشان يعرف اذا فيه انسداد او لا ويحلل كروسومات زوجك
ومع علاجاتكم خلي زوجك يقطع الدخان وشلته اذا هو مدخن ويوقف مشروبات غازية ووجبات سريعة ويلعب رياضة رفع الاثقال خيالية برفع هرمون الذكورة شي مو طبيعي وابعديه عن الاعشاب تماما ولو ودكم بخلطة عسل ويا علاجاتكم انا انصحكم بعسل وادي النحل وعلموه ان زوجك صفر وخليه يخلطها قدامكم وباذن الله بيتشافى زوجك وتنجبين كثير منهم تشافو وزوجي ماشاء الله كان منهم اهم شي عدم اليأس
والله يرزقنا واياكم بالذرية الطيبة الصالحة السليمة البارة انه على كل شيء قدير

مشكوره ع النصائح غيوم الله يقر عينك ويثبت اجنتك..ودي اسالك زوجك أعطى عينه ...او خزعه ....ويش الكورس اللي استخدمه بالضبط الله يجزاك خير