العد العكسي بدا اقل من شهر و نكون في الحج .. تجهيزات الذاهبات للحج :)


عن أبي هريرة رضي الله عنه قال:
سُئل رسول الله صلى الله عليه وسلم: أي الأعمال أفضل؟ قال:
«إيمان بالله ورسوله»، قيل: ثم ماذا؟ قال:
«حج مبرور» [رواه البخاري ومسلم].

بما أن الحج قرب وعلى الأبواب و هالسنه نويت الحج يسر الله لي و للجميع حجهم وتقبل منهم الشعيرة
في موضوعنا هذا راح نتناقش بكل شي يخص تجهيزاتكم
للحج

اولا الروحانيات :-
1- مصحف
2- سجاده + جلال
3- كتب شرح الحج

ثانيا الصيدليه :-

1- كوتكس اليوميه
2-مجموعه الاستحمام ( شامبو اخذت شامبو السدر - صابون خذت صابون الغار - مزيل عرق خذت بيزلين - لوشن خذت كيوفي ) وكلها بدون عطور
3-فرشه اسنان و معجون
9- اغطيه مقاعد دوره المياه و ليفه و شنطه بلاستك عشان احط فيها اغراضي وقت دخول الحمام و لا تتبلل
بالاضافه الى ادويه شخصيه تتناولينها سابقا خذيها معك ولا تهملي صحتك

ثالثا الملابس :-
1- لنوم ( بيجامه بطلون واسع و بلوزه طويله استر لي وقت النوم )
2- سلبيرز يتحمل المويه عشان تدخلين فيه لدورة المياه +حذاء رياضي للمشي
3- الملابس الي راح تلبسينها ( انا شريت ثياب قطن طويله لوقت الجلوس بالمخيم + بالاضافه لفستان حرير ناعم ليوم العيد ) باخذ لعدد سبع ايام

بالاضافه الى ليقنز قطن وتيشرت اذا بطلع للجمرات اريح تحت العبايه
4- فوطه للاستحمام - فوطه بعد الوضوء - فوطه للوجه
5- ( بنس - ربطات شعر - مشط - استشوار < طبعا مو لتزين فقط للي تتعب مع الهواء )
6- عبايات اضافيه و خمار طويل زي اللي يلبسوه المصاريات اريح و تحت عبايه كتف و تكون حد القدم ماتكون طويله عشان ما تطيحين فيها و ياليت يكون فيها جيوب بالاضافه الى شنطه كروس بودي تحطين فيها اشيائك الضروريه اذا طلعتي ، و الاغلب قالي خذي فلوسك كاش لان هناك مافي صرفات بالمخيمات

" هنيئا لمن سيعود كــ يوم ولدته امه "
قال رسول الله - صلى الله عليه وسلم -
((من حج هذا البيت فلم يرفث ولم يفسق رجع كيوم ولدته أمه))
[رواه البخاري ومسلم]

ذكروني ايش نسيت ؟؟
اغراضك من وين اشتريتيها ؟؟
راح تحجين هالسنه ايش تجهيزاتك وايش تلبسين ؟؟
حجيتي سابقا افيدينا ايش الغرض الي تمنيتي احد نصحك تاخذينه ؟؟؟
حجيتي سابقا ايش هو اكثر شي احتجتيه وما جبتيه معك ؟؟
حجيتي سابقا ايش هو الغرض الي اخذتيه وما استفدتي منه وزاحمك ؟؟

11 تعليق 896 مشاهدة

شاركي في النقاش

سجلي الدخول لإضافة تعليق.

التعليقات

11
  1. @khyt_azrk

    أنا مستحيل أحد يوديني أحج مثل الناس..
    حتى زوجي أختصرها بكلمة واحده
    وكان في عام ١٤٢٦ هجري
    ، وقال لي :
    .
    ( إذا توفيتي إن شاء الله نحج عنك ) هع
    يعني مافي أمل أحج أبدا ..
    وأكبر دليل يوم قالوا لي مابتحجين أبد !!
    ،، إلا إذا حجت البقرة على قرونها )
    .
    وأردد ياااالييييل ماأطولك ...
  2. @aasyr_ryta

    صاحبة الموضوع
    خيط أزرق
    أنا مستحيل أحد يوديني أحج مثل الناس.. حتى زوجي أختصرها بكلمة واحده وكان في عام ١٤٢٦ هجري ، وقال لي : . ( إذا توفيتي إن شاء الله نحج عنك ) هع يعني مافي أمل أحج أبدا .. وأكبر دليل يوم قالوا لي مابتحجين أبد !! ،، إلا إذا حجت البقرة على ق…
    هههههههههههههههه وسعي صدررك يا بنت الحلال .. ان شاء الله بيسسرها لك ربي بس ادعي ربك واجمعي فلوسك و لا تعتمدين على زوجك شوفي احد من اعمامك اخوالك او لو عندك ولد كبير او عيال اختك و عيال اخوك
  3. @bnt_nas_26

    جزاك الله خير والله ذا الموضوع جاء بوقته
    مابعد أشتري شئ لحد الآن بس كل ماشفت شئ عن طلبات الحج أصور الشاشه عشان ماأنسى
    بس حبيت أسألك فيه معجون أسنان بدون ريحه ؟
    لأني خايفه من محظورات الإحرام

تابعي تجارب أخرى من هذا القسم.