ايش اهي مقادير كيكة الزعفران المضبوطه الله يعافيكم😋

ابي طريقتها المظبوطه تكفووون

3 تعليق 18,521 مشاهدة

شاركي في النقاش

سجلي الدخول لإضافة تعليق.

التعليقات

3
  1. @aaoatf_trky

    كيكة الزعفران عباره عن كيك ابيض عادي سواء بالطحين او الكرتون خليط الكيك الجاهز مثل بيتي كروكر الابيض

    والسر في اختلافه عن باقي انواع الكيك هو صوص الحليب والكريمه للتغطيه .

    وعشان تضمنين يطلع معك قالب كيك مضبوط استخدمي خليط الكيك الجاهز بيتي كروكر الابيض واستخدميه مثل ماهو موضح على الكرتون بيض وزيت وماء وبس اضيفي له ملعقتين طحين زياده عشان مايتفتت بالاضافه لفنجان صغير مويه دافيه منقوع فيها شوي زعفران عشان اللون .. واخبزيها بالفرن نص ساعه واول ماتشقر من الوجه طلعيها واعملي فيها ثقوب بعود الاسنان ثم شربيها نص او ثلاث ارباع كمية صوص الحليب ثم غطيها بسلوفان او قصدير وبرديها بالثلاجه على الاقل ساعه او ساعتين .

    الصوص عباره عن :

    2 كاس كبير حليب سائل

    1 علبه حليب مبخر ( حليب الشاي )

    نص علبه حليب نستله المحلى المكثف

    رشة زعفران

    حطيهم في قدر على نار خفيفه وحركيه الى ان يمتزج مع بعض ويسخن ويطلع لون الزعفران ثم قفلي النار واستخدميه لتشريب الكيك واتركي شوي منه للتقديم .

    بعد مايبرد الكيك اللي شربتيه الصوص لمدة ساعتين غطيه بكريمه ورجعيه مره ثانيه بالثلاجه يبرد ويتماسك قبل التقديم .

    الكريمه عباره عن :

    2 كوب كريمة خفق بارده

    1 ظرف دريم ويب

    سكر بودره ملعقتين او حسب الذوق

    اخفقيهم كويس ثم غطي فيها وجه الكيك البارد
  2. @aaoatf_trky

    اذا حابه تستخدمين كيك بالطحين هذي طريقته



    اول شي انقعي شوي من الزعفران بنص كاس حليب دافي واتركيه على جنب الى ان يطلع لونه

    بالخلاط الكهربائي او اليدوي اخفقي نص كاس زبده او زيت + كاس سكر + رشة ملح اخفقي الى ان يمتزج

    ثم اضيفي للخليط 3 بيضات وفانيلا واخفقيهم

    ثم جهزي كاس ونص طحين ابيض مضاف له 2 ملعقه صغيره بيكنج باودر منخولين واضيفيهم للخليط بالاضافه الى الحليب المنقوع بالزعفران

    ثم صبيه في صينيه مدهونه ومرشوشه بقليل طحين

    ودخليه الفرن المسخن مسبقاً لمدة 30 إلى 35 دقيقه وراح يكون جاهز

تابعي تجارب أخرى من هذا القسم.