بخصوص اللي تحط عيالها عندي اغلب الوقت

عشان كذا هي مستغله ضعفك ..بس انتي لازم لازم
تقولين لا لا..جربي اليوم اذ دقت قوليها بوجهه لا انا مو ملزومه في عيالك..واذ عيالك يبون عيالي برسل عيالي لك ..
مو معقوله كذا تستغلك وانتي ساكته..
انا ام وعارفه شقى الاطفال ..الوحده ماتتحمل عيالها فكيف تتحمل عيال ناس..
انا بقولك ع شي صار لي قبل سبوع كنت في بيت اهلي ..واخواني كلهم ساكنين بنفس العماره ..واطفالهم دايم عند امي ..وامي ساكته ومتحمله ..
المهم جيت انا عند امي ..وجو حريم اخواني ..وجلسو معنا ساعتين وكل واحده خذت عيالها وع بيتها الا وحده من حريم اخواني خذت ولدها صغير وتركت بنتها تلعب مع عيالي..بس بنتها مررره شقيه وجلست البنت تضارب ولدي ولد اختي الثانيه وامي قالت اتركوها لا تكلمونها ..قلت انا مستحيل اسكت تجي وتاخذ بنتها ليش نتحمل احنا اذى الاطفال وهي راحت بيتها ترتاح ..قمت ورسلت لها يافلانه تعالي شيلي بنتك ..طبعا زعلت وليش وليش ..وامي زعلت مني..قلت يمه انا ماطردت البنت ..انا ابغى امها تجي تاخذها ولا تجي تجلس معها وتنتبه لها احنا مو مسؤلين عنها احنا يلله نتحمل عيالنا..
وانا الي خلانا اعصب وارسل لها تجي لبنتها..
لاني قبل ارسل لها قلت لبنتها خذي عيالي وروحي عند امك العبو في العابك وراحت البنت هي وعيالي ..وزوجة اخوي طردتهم فقلت ليش اتحمل انا بنتها تجي وتاخذها وانا بمسك عيالي

باين انك ضعيفه .. ومعطيتها وجه زياده .. وقوتك بالغيبه عنها

تكفين ياحلوه يام الحلوين بردي حرتي فيها اليوم اذا جابت عيالها ...والله انتي واضح طيبه وعسل وهي استغلتك اسوء استغلال الواحد يالله يتحمل عياله ...وهذا هي ماتحملت عيالها وهم عيالها قطتهم عليك تبيك انتي تشقين وهي ترتاح ....اليوم انتظرك تجين وتقولين ابشركم ياصقيقاتي الحوائيات طردت الضعف اللي فيني وواجهتها وقلت لها .....صدقيني هاذي الاشكال المغسوله بمرق ماينفع معاها الا المواجهه الجاده الطيب جربتيه ومانفع اذن اصرخي عليها وقولي ليه ياقلبي ترمين عيالك علي واتتي مريحه دماغك ومخليه الشقا لي تخلفين وانا اربي لا قلبي ماني مكلفه وزوجي متضايق ولاني مستعده اوتر العلاقه بيني وبين زوجي وعيالي عشان حضرتك تعيشين شهر عسل مع زوجك ماكنكم خلفتو واسمعي يافلانه مو اقعد بعد اسبوع ولا انتي جايبتهم عيالك استقبلهم معاك كل اسبوغين مره ...بدونك ابدا مااستقبلهم
يالله ننتظر الاخبار الحلوه اليوم ...ننتظر البطله ام الحلوين اللي ماتسمح لاحد يستغلها ويستغفلها اي نعم هي مسنغفلتك تفكر انها تضحك عليك ان عيالها بيلعبون مع عيالك واتتي الهبلى للخجوله ماتقدرين تردينها .....وفي المقابل تنعم بالهدوء والراحه وللاستجمام مع زوجها وتاركتك للشقا

طيب أبو سنه كيف تقول يبكي ويبي يلعب مع عيالك الي بسنه مايفهم يجلس مع أمه

اوووووووه أحلى تشجيع فديتك والله