أمون اليوم وأنا بطعمي إبني(طبعا بيمر بمرحلة انسداد الشهية إلا عن الكورن فليكس والحكي الفاضي)
قلت الله يعينك كيف عاملة مع يريم وعندك غيرها.. بتمنى أشوف إبني زي ولاد هالعالم بمسكله خيارة ولا سندويشة يمزع فيها..! أكتر ما عنده .. ماما بدي تفاحة.. بعطيه حز ولحد ما أكمل تقشيرها بكون صار قايلي ماما... خلث.. حدالله (خلص الحمد لله)
نونو.. وينك زمان ما قرقرنا عالمسنجر اشتقتلك.. بس لسة ملخومة بعد العيد مواعيدي ملخبطة..
زينة بتنوري يا عروس.. ماشاء الله كترانة العرايس بموضوعنا.. عقبال اللي ببالي..
وبالنسبة لسؤالك يا زينة أنا من رأي زهرة الفراشة.. في شباب بايخدو هالأشياء" سمبل "..وممكن أهلك ما يكونو مدققين.. بس في ناس بتدايق خصوصا الإخوة، يعني لو إلك أخ قاعد يشوف هيك حركات بجوز ما يحكيلك مباشرة إنه مش عاجبه هادا التصرف.. بس ممكن يعبر عن إنزعاجه بطريقة تعامله معك.. أنا مر علي متل هذا الظرف.. وأخوي مع إنه أصغر مني ب7 سنين.. وصلني من ماما حكي إنه مو راضي عن بعض التصرفات وإن كان بابا موجود وما عبر عن شي.. بس أحيانا الأخ بكون غيور كتير عأخته خصوصا بهاي المرحلة ما بيتصور إنه في واحد بده ياخد أخته منه..!
أم أبيها74
أهلا وسهلا حبيبتي.. وكل سنة وإنتي طيبة .. إحنا ملفنا مفتوح للكل بنتشرف بمرورك الكريم.
كندا.. كيفك وين وصل حملك يا أم جوجو.. الله يخليها يا رب.. ما شاء الله عليها أمورة
ومشتهية ربي يورجيني عصوم متلها حامل شي فاكهة وقاعد عالحشيش .. يختي عالرمل بس ياكال..!
أم محمد ربي يجزيكي الخير عالمسابقة والله إنك بتكسبي فينا أجر بندور وبنتعلم وبنتذكر وبنستفيد.. كلك خير وفيكي الخير.
دموعة وين ما طليتي اليوم.. وأطؤوطة وأم منى .. عساكم بخير
لقاء الأحبة ، فلسطينيات و أردنيات
متابعة النقاش، صفحة 206