لكل أم ذات خبره...أنجديني بعد الله

بسم الله عليه انا ولدي جت فتره يخاف
الله يهدي ولد اخوي خوفه بلعبة
ازرعي فيه القوه خليه يقول أنا قوي ومااخاف
خليه يردد هذه الكلمة انا قوي مااخاف
فتره وتعدي

الله يعينك لازم تصبرين مسالة وقت حاولي تقولين له قصص في هذا السن مره يتاثرون بالقصص سواء من تاليفك انتي او تجيبين قصص مصوره من المكتبه خليك معه وضميه وعززي ثقته في نفسه اشغليه بالعب وغيره اذا صار يخاف من الظلام عادي طبيعي جبي له ابجوره وخلي نورها خفيف وخليها مفتوحه هيئيه للنوم قبل وقت نومه بابكر شوي وخليك معه لين يغفى ولاتطفين الابجوره اذا تشجع وتغلب على شي من اللي كان يخاف منه اثني عليه وماشاءالله صرت كبير ووووو
شوفي مدونة وحسابات سعيد الزويد في النت ان شاءالله تفيدك
برضه الدكتور مصطفى ابو اسعد كتبه ومقاطعه جميله وبتفيدك بعد الله ويمكن تلاقين نفس مشكلتك او مقاربه لها في حساباته من اسئلت الامهات وهو يرد عليهم
وبرضه مقاطع وكتب الدكتور جاسم المطوع باذن الله تفيدك

برضه خلي ابوه يساعدك يتغلب على ذا الشي والفوا قصص عن طفولتكم انتوا نفس اللي صار معه وانكم تغلبتوا على ذا الشي وصرتوا اقوياء وانا قلنا بسم الله ولاعاد خفنا ونقول اعوذ بالله من الشيطان وراح الخوف وان الخوف تخبا منكم عشان انتوا ذكرتوا ربي فرصه لكم في هذا الموقف تعلقونه بالله وبدينه اكثر وينشا نشاه صالحه باذن الله
لان اذكر مره وحده اعرفها زين قفلت بنتها عليها باب مجلس عند أخوالها وهي في سن ولدك تقريبا وحاولوا يفتحون الباب او تسحب المفتاح وترميه لهم عشان يفتحون ماقدرت البنت مسكينه وبغت تموت من كثر ماصرخت وبكت ويكلمونها خالاتها وجدتها وجدها لفي المفتاح انتي قويه افتحي الباب وووو تحاول الصغيره ماقدرت يوم فقدوا الامل انه ينفتح الباب او البنت تقدر تفتح الباب دقوا على الدفاع المدني والا مدري وشو عشان يفتحون الباب وعلى بال مايوصلون تمالكت ام البنوته نفسها وتقول لبنتها من ورى الباب ياماما ياحبيبتي لاتبكين خلاص قولي يارب ساعدني وبينفتح الباب وتهدي بنتها وتبكي البنت ياماما ساعديني تقولها امها لا انتي قولي يارب ساعدني وبينفتح الباب الين وصلوا وفتحوا الباب وتضم الام بنتها وتقولها شفتي انتي قلتي يارب ساعدني وربي خلاهم يفتحون الباب وسلامتك

راح ياخذ اسبوع اسبوعين على هذا الوضع وان شاءالله يفك منها موقف صار لبنتي تخيلي بعده حسيتها جاها مس مو خوف انا قمت اصرخ وابكي خايف عليها وانهرت اول ماشفتها وديتها مستشفى قالت الدكتوره مافيها شي فقط خوف يصيب الاطفال بهذا السن وهذي ردت فعل كلام كثير قالت بس الي فهمته طبيعي بين الاربع سنوات الى ست سنوات يجيهم خوف من الظلام والتخيل عندهم عالي بس انتي حاول هذي الفتره تنومينه بحضنك وتخلي المبه شغاله لين ينام بعدين طفيها وخليه بمكان تدخل الشمس لعشان لو صحي مايقوم مرعوب يشوف الضؤ ويهدي ولا تخافين ماراح ياثر بشي فتره وتعدي اهم شي كوني قريبه مررره منه وحسسيه انتي بالامان بنتي اسبوع ونست كل الي صار لها اخر شي بدت تضحك على نفسها لما مثلت لها اش صار لها وفهمتها انها تخيلت كذا معليش على الكلام مو مرتب بس ياليت وصل لك

الله يسعدكم جميعاً ويريح بالكم ان شاءالله زي ماقلتم فتره وتعدي الله يجزاكم خير وان شاءالله بسوي الاقتراحات اللي قلتوها الله يسهل امري وامركم ♥️♥️♥️🌹