ابغا تعطوني أفكار اسعد امي

بنات افكر إذا تزوجت انشاءالله احاول اغير حياة امي واتمشا بها وزي كذا يعني احاول اسعدها لاني انا الحين مو معاها مع ابوي ولااقدم اسوي شي لاني مو متزوجه بس اذا تزوجت ابغا اغير حياتها لاني احس انها تعيسه 😢

49 تعليق 11,792 مشاهدة

شاركي في النقاش

سجلي الدخول لإضافة تعليق.

التعليقات

45
  1. @khyt_azrk

    و ليش ماتعيشين عندها ؟؟؟
    يعني لازم تنظرين نصيبك عشان تسعديها!!
    زوريها وأقعدي عندها لا يجيها إكتئاب وشكلها عندها إكتئاب..
    وأبوك مو بحاجة أحد لان الرجال صبورين ..
    قولي لها تسجل في حلقة تحفيظ القران عشان ترتاح من مشاكل الحياة..
    وإنتي ماشاء الله عليك تفكرين بالمستقبل ونسيتي الحاضر ..
  2. @am_myra_8

    حبيبتي اذا تفكرين بسعادة امك اسعديها الحين ما تعلمي اذا تزوجتي بتقدري تسعديها أو لا،،
    سّيري عليها وجلسي معها وسولفي وطلعي وتمّشي معها،، مع اني ما فهمت عبارة انك( الحين مع أبوك )،،
    وخصصي لها وقت تسعديها فيه الحين مو تفكّري تسعديها بالمستقبل ما تضمني الحياة وتقلباتها وظروفها،، رزقني الله وإياكي بّر والدينا...
  3. @shab4_1

    يمكن ابوها مانعها عن زيارة امها هذا اللي فهمته وقصدها ماتقدر تقدم لأمها شي وهي باقي عند ابوها ماتقدر الا اذا طلعت من عنده... حاولي حبيبتي انك تزوريها واسعديها باللي تقدري علييه وإذا هو مانعك تقابلوا في أي مكان مو شرط في بيتها..
  4. @grh_aal_grh

    صاحبة الموضوع
    خيط أزرق
    و ليش ماتعيشين عندها ؟؟؟ يعني لازم تنظرين نصيبك عشان تسعديها!! زوريها وأقعدي عندها لا يجيها إكتئاب وشكلها عندها إكتئاب.. وأبوك مو بحاجة أحد لان الرجال صبورين .. قولي لها تسجل في حلقة تحفيظ القران عشان ترتاح من مشاكل الحياة.. وإنتي ماشاء ال…
    هي مطلقه عند جدي
    انا عند ابوي بعيده عنها وابوي رافض فكرة اعيش معها
    وانا انخطبت وبتزوج عن قريب
    رجاء اللين والرفق بالردود
  5. @grh_aal_grh

    صاحبة الموضوع
    ®ام ميرا®
    حبيبتي اذا تفكرين بسعادة امك اسعديها الحين ما تعلمي اذا تزوجتي بتقدري تسعديها أو لا،، سّيري عليها وجلسي معها وسولفي وطلعي وتمّشي معها،، مع اني ما فهمت عبارة انك( الحين مع أبوك )،، وخصصي لها وقت تسعديها فيه الحين مو تفكّري تسعديها بالمستقب…
    انا ازورها مرتين بالأسبوع وهدايا وسوالف بس مااقدر اطلعها واتمشا معها
    ومشكوره علا ردك

تابعي تجارب أخرى من هذا القسم.