الزواج ببيت العيله

كيف يعني بيت العيله ؟
لك شقة منفصلة ؟
لو لك غرفة بس في بيتهم ؟
بكيفك والله لكن لو لك بس غرفة ما انصحك
بعدين لازم ابوك وامك يتدخلو ويكلمو اهل الولد بحزم ويقولو احنا اتفقنا للبيت بيت لوحدها

يمكن خايف على امه وخواته ليعيش بعيد عنهن خصوصا انه امه مطلقه ويعتبر زلمة البيت

ع حسب الوضع
يعني شقة منفصلة او لك جناح خاص فيك ولك خصويه
او مجرد غرفة بالبيت

اول شي ايش قصدهم ببيت عيلة
اذا لك شقة كاملة منفصلة فهذا بعتبر بيت شرعي مستقل
وماله داعي تسوي مشاكل او تعترضي عليها
اما اذا كان قصده تسكني معاهم بوسط بيتهم مالك الا غرفة ولا حتى جناح فهنا الكلام غير ولاترضي الدا بهالشي
ثاني حاجة مدام اتفقتو على بيت لوحدك
ليش ماكتبتو بالعقد
مادري لمتى تتساهلو في دا الشرط
وانتو شايفين المشاكل اللي تجي من ورا السكن مع اهل الزوج
المهم اذا كان قصده تسكني بوسط بيتهم
و ابوك مكلمهم عالبيت المستقل ووافقو وبعد الملكة اخلو بشرطهم
كلمي ابوك وقوليله
يرفع سماعة على ابوه ويقوله انا اتفقت معاكم ان البنت لها بيت مستقل ووافقتو
وماكتبت في العقد لان على بالي كلمتكم كلمة رجال
مادري انكم بعد ماتطيح الفاس في الراس تتراجعو
في شغلة مهمة تقولي الام مطلقة وهو عايش مع اخواته وابوه
تأكدي لو وافقتي انك تعبشي بوسط البيت معاهم
بتكوني المسئولة عن كل شي يخص اخواته وابوهم
حتى لو كان في شغالة
يعني بدل ماتززوجي عشان تستقلي وترتاحي
بتتزوجي عشان تخدمي ابوه واخواته وتقومي فيهم
هل انتي عندك استعداد لكذا
اذا انتي مو راضية فمن البداية ارفضي
واصري عالبيت
ولاتصدقيه ابدا لو قال بس كم شهر لين ماارتب وضعي
ومن هالكلام لانه خذي لفة على المواضيع ومشاكل البنات اللي ساكنين مع اهل ازواجهم
وكيف ان البداية كانت بس شهور
والشهور صارت سنين
ولو فتحو فمهم يقولولهم عاجبكم ولا روحو بلطو البحر

اذا بس غرفة بنفس البيت ارفضي يا اختي وخلي اهلك يتكلمون ترى بتفقدين الخصوصية وماتقدرين تلبسين على راحتك او تسوين اللي تبين ويمكن بتجلسين تخدمينهم الطبخ وكل شي عليك انتبهي لاتسكتين معهم الا اذا شقة منفصلة بنفس البيت مو مشكلة