شاركي في النقاش

سجلي الدخول لإضافة تعليق.

التعليقات

66
  1. @zhr_alakhoan_14

    والله انا اشوف العكس اشوف الموظفه اريح من ربة البيت ربة البيت في كرف مستمر من تصبح لين تمسي
    اما الموظف في الغالب فيه شغاله شايله عنها الشغل وإذا ماعندها شغاله عيالها يساعدونها أو بناتها أن كانو كبار أو أهلها وفي من يساعدها زوجها فاتجي وترتاح وتنام والبيت نظيف والغداء جاهز إذا ماكان من برا. أقلها تخرج كل يوم وتقابل ناس وتغير نفسيتها ولها راتب تتقضاه آخر الشهر تشتري اللي تبي وتتصدق منه وتعمل صدقات جاريه لها ولابويها ماحد يقولها ليه مو مثل ربة البيت ياعيني حتا قيلوله ماتقفي عينها في كرف وليت حدن يفتكرهن بعد بهديه أو شي الله يكون فعونهن تذكرت مره حضرت معا اختي لمدرسة بنتها والمعلمه تكلم وحده عن بنتهاوتقولها أش عندك الضحي مو طول الوقت نايمه!!! استغفرالله موظفه وحاسده المخلوقه على نومت الضحى طيب اقعدي بيتك ونامي مثلها ومن قال ان كل ام بالبيت طول وقتها نايمه عجيب كلن حاسد الثاني
  2. @am_salh_2018_1

    تعجبني الوظيفة اللي تكون من البيت أو موقع بيع بالانستجرام أريح كثير من الوظيفة التقليدية بالنسبة للي عيالها صغار و في عمر حمل و ولادة
  3. انا تعبت تعبت مرررره تعبت نفسيا وجسديا عشان اتوظف وما تيسرت لي كنت مرات ما انقبل وانقهر اني ما انقبلت و مرات انقبل و اشتغل فيها اسبوع اسبوعين وزوجي يقلب علي يصير عصبي مررره ويتشرط في البيت ابي غدا ابي عشا ابي تكوين وترتبين واذا طلبت شي يقول انتي اشتري من فلوسك ليين كرهت شي اسمه وظيفة رغم ان زوجي هو بنفسه اللي كان يدور لي ع الوظايف هو كان يبيني اتوظف بس جد جد كرهت شي اسمه وظيفه بسببه ولو تجيني وظيفه الحين والله لو عشر الاف ما رحت لها لان زوجي اعرفه بيطفشي .. وهذا انا الحين ربة بيت الحمد لله طلباتي مجابه جوالي يتسدد اول بأول اشتري لبس جديد على كل مناسبه واشتري اكسسوار كل ما مريت محل اكسسوار هذا غير انه زوجي يجيب لي هدايا غاليه بين فتره و فتره واهلي بعد الحمد لله عندهم خير وما يقصرون معي ابد وكل ماصار معي قرشين ادخل مواقع التسوق واشتري شي لي ولا للبيت كماليات او اكسسوار وعيالي نفس الشي اشتري لهم واجدد لهم اول بأول رغم ان زوجي حالته الماديه مو ذاك الزود وعليه قرض واجار بيت بس بكيفه هو اللي كرهني بالوظيفه يتحمل مصاريفنا حتى الحين مرات يتعب من كثر الطلبات والمصاريف خصوصا عندي طفله لازم كل اسبوعين حليب و حفاظات .. وانا الحين حامل بالسابع وناويه اجيب لي شغاله ولاراح يقدر يرفضها لسببين الاول انه هو اللي طفشني ع الوظايف ولا ريحني فيها والسبب الثاني انه ما خلاني استخدم مانع حمل وهو اصلا ما يبيني احمل كنا ماشين ع الموانع الطبيعيه وحملت والحين بكيفه بجيب لي شغاله بالشهر ويدفع لها حاله حال هالرجال .. دامه رفض الوظيفه و رفض المانع يجيب شغاله الله لا يهينه .. ومرتاااحه سبحان مغير الاحوال ما كنت اتخيل نفسي اكون عاطله.. وهذا غير هالحر والبرد اللي بالشتا و هالزحمه اللي بالرياض اللي تصدع الراس.. احس الوظيفه حلوه للي عزباء او ماعندها زوج تكون مطلقه او ارمله مثلا .. او مثلا زوجها من النوع اللي متعاون مررره ما يطلبها شي من فلوسها.. ومتعاون معها على الاطفال والمصاريف اما اللي زوجها متردد مره موافق مره لا لا معليش اجلس في بيتي ويصرف علي وعلى عياله

تابعي تجارب أخرى من هذا القسم.