💕التجمع ال 40 لامهات وحوامل التوائم 💕💕

امين ي رب اي كل ماتقدمنا بالاشهر زاد الخوف من الولاده وزاد التعب الله يعين بس هههههههههه
باجره ان شاء الله 💕💪🏼

اصبري وادعي ربك وابد لتياسين من رحمت ربي في بنات ينزل معهم الدم وتصير حامل حتي بالاشهر الاولي كل شي من الله وصدقيتي اذا مكتوب له ذا الشهر بيتلقح وبيتم واذا موب ذا الشهر بيجي اليوم الي تبشرينا فيه ،،انا سنه وست شهور جربنا كل شي طبيعي ونفسيتي ونفسيه زوجي ماش لين خلاص قررنا انابيب وربي فرحنا وتمم علينا وكنت اقول اذا ربي كتب بالشهر الفلاني بيصير وسبحان الله ع اني كنت احاول واخطط للاشهر بس ماربي كتب الا بوقته اللهم لك الحمد 💕

اهلين وسهلين
الله يسهل عليك حبيبتي ويتمم لك على خير وجميع من في التجمع

انا اول مره اولد قيصري كانت ولادتي بنج نصفي وانصحك به اذا لك الخيار في هالشي...لان الكامل متعب اذا صحيتي من البنج...والنصفي طبيا اكثر امان باذن الله من الكامل..

العناية بالجرح ..انا والله ماجاه مويه الا بعد ماطلعت من النفاس ...اذا جيت اتروش اسكره ببلاستك وكذا...طبعا الدكتورة كانت تقول بعد اسبوع او سبوعين تقريبا خلاص يجيه مويه عادي بس نشفيه مضبوط...لكن احنا لنا طقوس غير كلام الطبيبه😁مانثق😅

الاستقبال انا خليت استقبالي في المستشفى اريح كثير من البيت...لاني مجربه في البيت كيف


التربيه تعب الله يعظم الاجر لكن بالترتيب والتنظيم وخاصه تنظيم نومهم ورضعاتهم مع بعض بيساعدك كثير باذن الله...
الطلعات مابديت اطلع بهم طلعات رسميه الا من قريب لانه شوي شغله الله يصلحهم

الرضاعه رضعتهم طبيعي وصناعي ...الطبيعي الى تقريبا سبوعين النفاس فقط لان مافيني حليب كثير وصاير الوضع متعب شويات

الشغاله كنت مقدمه قبل ولادتي وجتني في نص نفاسي وجلسة شهر ونص تقريبا وقالت بروح😥وروحتها الله يعوضني بابرك منها😌



اي سؤال انا حاضره في الخدمه الله يسهل امركم جميعا...

بنات اللي من الرياض هنا ابي ارقام يسوون تنسيقات الاستقبال في المستشفى فديتكم

والله يا قلبي هو التعب يبدأ من الخامس انا من الخامس ماعاد قدرت انام زين واتقلب مره يمين وشوي اغير لليسار ولمن اغير الوضعيه كنت اتعب واتأوه من قوة الالام بالورك احس كأن احد بيفصل وركي عن الحوض بس الحمدلله اتحمل واصبر صح مرات افقد صبري واقعد ابكي واقول ليتني ما حملت بس بعدها اتعوذ من ابليس واستغفر ربي بس بعض الاحيان من شدة الالم تقولين اشياء انتي منتي بوعيك ..
واذكر كنت بالخامس بس بالمستشفى كل شوي تقلصات والالم وكنت اعاني من الالتهاب بس الحمدلله السادس كان بس ثقل ماتعبت مرره بس كان يضيع نفسي ما اقدر مراات من شدته كنت اقول ياربي كيف احس بموت اذا ما دخل اكسجين بصدري ههههههههههه
بس الحمدلله الله يهونها وتهون علي وعليك على جميع الحوامل معنا والله يكتب الاجر للأمهات اللي ولدوا ...😊😊😊