👼تباشير 2 لأحلى مواليد سبتمبر وأكتوبر 2018👼

السلام عليكم ورحمة الله


كنت معاكم من بداية التجمع بس دخولي قليل وانا بطبعي زولة ما احب الكتابة 😭 .. حتى الواتس ما احب اكتب فيه كله ماشية عالفويس نوت 😂 .. اتمنى يسوون خاصية التسجيل الصوتي بالمنتدى كان ريحونا 🙃..


الحمدلله عالسلامة بنت الجنوب وام ياسر وعقبالي وعقبال البقية ❤..


لوحة خواطر فنان .. دكتورتك سخيفة ومسوية تهويل من لاشي .. الحين اللي تولد ٩ تموت ويتيتمون عيالها ؟؟! والله ما عندها سالفة كان اغلب الحوامل ماتوا .. كثير اعرفهم يوصل الدم عندهم ل٧ .. ومع هذا محد قالهم اللي انقال لك ..


عن تجربة .. اهتمي بأكلك وكثري سلطة وعصير شمندر وعصير افوكادو .. وانتظمي بحبوب الحديد ..
انا الحمدلله دمي من حملت ١٢ لان حاولت قدر استطاعتي احافظ عالاكل الصحي ..وقدامك العافية ان شاء الله

هذي من كبيرات الاستشاريين في مدينة الملك فهد الطبية تخصصها توائم وكل اللي عندها حالات صعبه اما توائم او اطفال انابيب او حمل عزيز وبعلاج مواي احد يدخل عندها وانا طلبت منها الصراحه وبينت لي وضعي بكل صراحه يعني هي عندها برنت كامل عن صحتي بالكمبيوتر ونقل الدم مفعوله اسرع من المصل في الوريد وقدامي 20يوم فماينفع الا اذا انقلبو التوم لتحت وصار ولاده طبيعيه بعض الاجسام تتحمل نقص الحديد وبعض الاجسام ماتتحمل انا صحتي ماتتحمل نقص الحديد خاصه ان عندي نقص اكسجين لدرجه اصحى من النوم مكتومه وانكتم من العبايه من اقل مجهود

سولو .. اتوقع انتي اللي تتكلمين عن ان الراس فوق .. انا بحملي اللي قبل للثامن الراس تحت بعدها قلبت بنتي وما خليت شي ما سويته سجدت وحبيت ومشيت عالرمل بس ربي ما اراد .. وما حبيت استعجل بالعملية وانتظرت لين جاء الطلق كود يقلب الراس بس ماش 😅 .. والحمدلله جبتها بقيصرية وسهالات من ربي مع ان اللي قبلها مرتين طبيعي.. وصديقتي نفس الحالة بس سوت عملية تدوير الجنين عند استشاري وولدت بعدها بيومين طبيعي .. .. توكلي على ربك وعسى يكتبلك الخيرة

توكلي على الله واطلبي منه العون وعادي قيصري او طبيعي اهم شي تقومي بالسلامه والدم فعلا نازل ما ينفع لو بتسوي عمليه بيهبط مرررا ونعمه تسعه ما صار اقل انا زيك ٩وشي ومرا انهميت مو راضي يرتفع
المهم كثري حوقله بنية التيسير وربي يكتب لك اللي فيه الخير وتجي تبشرينا بحول الله

لا تخافين وادعي رب العالمين بالتسهيل وبعدين انت توأم والطبيعي صعب يجوز تولدين اول واحد طبيعي وبعدين تتعسرين ويحولج للعملية فلا تخافين العملية اصعب شي 5 ايّام الاولى وبعدها تتحسنين يوم عن يوم اهم شي تمشين بعد العملية وتحاولين تتتحركين بهدوء وعادي هي الدكتورة راح تنطيج مسكنات
بس حاولي احد يساعدج بالايام الاولى والله يسهلج يارب