شاركي في النقاش

سجلي الدخول لإضافة تعليق.

التعليقات

50
  1. @alshfokh

    كم سنه له الحادث ؟؟ وهل هو اللي كان يسوق ؟؟
    ترى لاتلومي ميت معاه بالسياره ثلاث من اصحابه
    قدام عينه حاجه مره ماهي سهله زوجك تعبان
    نفسياً
    صح هذه قضاء الله وقدره لكن الموقف ماهو بهذه السهولا ينسا صارة عنده صدمه شاف ان الحياة تافها وقصيره شكله متحطم من داخله
    والله ياقلبي وانت ماتلامي توك صغيره ومحتاجه
    مين يحتويك لكن خلي املك بالله كبير اصبري
    على زوجك وادعي له
    وحاولي انك تخرجي من الجو اللي هو فيه
    مثلاً سافروا مع بعض لمكه اجلسوا جنب الحرم كم يوم واذا بنفسه شي خلي يطلع لك اللي بنفسه
    يفضفض لك يمكن في شي يبغى يقوله يخرج
    الهم اللي بقلبه
    ذكري بالصبر واحتساب الاجر وقولي له لازم تصير
    قوي عشان عيالك وعشان صحتك
    المهم اجتهدي انك تخرجي من العزله اللي هو فيها
    الله يعينك ويساعدك ويسر امرك
    ومن ناحية مشترايات البيت من الكماليات روحي مع اخواتك ولا امك ولا اولادك وانت اشتري وغيري
    ولاتنتظري الا هو يكون معاك
  2. صاحبة الموضوع
    نبراس✔️
    ف كل موضوع لك تجيبين طاري هالحادث وعشان هالحادث الي صارله فجأة حسيتي نفسك صغيرة و عمرك بيروح عليه مستكثرة نفسك عليه لهدرجة ! تخيلي انتي مكانه بعيد الشر يعني وهو قام يفكر مثلك ! انا صغير ؟ انا محروم ؟ ... انا وانا ؟؟؟ حرام عليك عشان ماجا…
    مشكوره على ردك اللي يمثل اخلاقك وصحيح انا قاعده اعيد وازيد في نفس الموضوع لان حياتي ماتلخبطت الا بعد الحادث واذا طفشتي من هاالموال مو مجبوره تردي طال عمرك وعلى طاري اني مو مجبوره بلى ياعمري مجبوره عشان عيالي اولا وثانيا عشان اهلي يحبوه كثير ومستحيل يوقفون معي عشان يطلقني
  3. @khyt_azrk

    السبب مو من الحادث،،
    أثبتت دراسه إن الزوج يتغير حياته مع زوجته بعد مرور خمس سنوات من زواجهم بسبب الملل .،
    الزوجه لاتمل حتى ولو مرت عشرين سنه بس الزوج يمل أسرع وفي مده قصيره..
    فأغلبية الطلاق والشكوك والمشاكل الزوجيه تصير بعد مرور خمس سنوات من الزواج..
    (( يعني تحمليه وخليك مثل ما إنتي ولا تتغيري إذا تغير عشان ماتكون فيها مشاكل مالها حل .)).
  4. @aatoralofa

    موضوع وفاه 3اشخاص في الحادث اكيد بيتاثر على نفسيته
    واكيد جاته صدمه بسبب هالشي هذا طبيعي بس المفروض تعالج نفسيا عند طبيب او حتى بالقران
    عمتي قبل سنه احترق بيتها كاااامل وهم نايمين واطفالها بغرفه وهي وزوجه بغرفه قامت من نومها ماتدري عن الحريق ابدا بس فتحت الباب وضرب بالقوه على وجهها وماتشوف الممرات والغرف ابدا وجالسه تصارخ مكانها جاتها مثل الصدمة الحمدلله سلموا جميعا
    بس هي نفسيتها اندددددمرت اكثر من زوجها لانها صارعت النار لوحدتها وتحرقت بعد الحريق على طول صارت تسرح كثير وتغفل وتفكيرها مو معانا ابدا واذا احد صرخ او يضحك بصوت عالي تنتقز من مكانها وتبكي وتحضن اطفالها واستمرت على تشغيل القران في البيت اكثر من شهر والله تغيرت 180درجه
    فاللي في زوجه اقل مايقال انها مشكله نفسيه يا انك تصبرين عليه بدون علاج او يتعالج وترجع نفسيته مثل اول
    وولد عم زوجي صار له حادث ومرض نفسيا بعد الحادث وكل ما ركب سيارته وقفت السيارات فجاه يتيبس مكانه مايعرف يتصرف ولا يتحرك ولا يخفف السرعه ابد بس زوجي تصرف وقتها والحين تزوج وتعالج وماشالله فرق كبير بين وضعه زمان ووضعه الحين
  5. صاحبة الموضوع
    عطورالوفا
    موضوع وفاه 3اشخاص في الحادث اكيد بيتاثر على نفسيته واكيد جاته صدمه بسبب هالشي هذا طبيعي بس المفروض تعالج نفسيا عند طبيب او حتى بالقران عمتي قبل سنه احترق بيتها كاااامل وهم نايمين واطفالها بغرفه وهي وزوجه بغرفه قامت من نومها ماتدري عن الح…
    هو يتعالج عند طبيب نفسي اتوقع الادويه هي اللي مسببه له حالة البرود اصلا وهو مو متعاون ولاحابب يتغير الله يهديه

تابعي تجارب أخرى من هذا القسم.