التجمع 112 للمقبلات على الحقن المجهري وأطفال الانابيب

غريبه عادي جداا الفيتامينات

ممكن تحاليك سليمه ومايبي يلخبطها

الله ييسر لك امورك يارب وجميع البنات

آمين 🌹

ايوه الحمدلله كل شي سليم

بنات ابي احكي لكم عن شي مهم وطولو بالكم عليه ❤️❤️


بما اني عدت العمليه بعد ولدي كذا مره وربي ما كتب فنفسيتي جدا تعبانه وزي ماقلت لكم تقريبا عازله نفسي عن الاهل والجماعه يادوب الدوام وطلعاتي للعزومات والجمعات قليله
الان جه الوقت اللي خلاص اوقف فيه مع نفسي وارمم هالالم والجروح وارجع اعيد طاقتي ونشاطي مايصير ابدا برحله علاج جديده وخطوات جديده وانا نفسيتي كذا. عمري ماكنت ضعيفه زي الان دايم انا قويه واقوم كل مره اقوى الان ما استسلمت لحكمه الله وقضاءه ولكن للاسف استسمت للحزن والدموع واني ابتعدت عن الناس واجهت نفسي لسبب واحد هو احساسي بالنقص وهالشي مو بيدي والحياه مش كلها اطفال الحمدلله ربي اعطانا اشياء مره حلوه بحياتنا تخيلو اني مو قادره احس بطعم شي مايصير كذا ابداا.
الان لازم اعمل لي جدول جديد اعيد الامل والبسمه لي لاني كثير كثير تعبانه البارح كنت ابكي من كل قلبي مومنه بقضاء ولكن الالم اتعبني وبدا ياثر على حياتي وسعادتي. والاصعب انه لازم اكون قدام الكل قويه انا مسئوله بعملي وعندي موظفين وانا البنت الكبيره عند اهلي وقدوه لاخواني وزوجي لها وضعه الخاص لانه كبير عيلته وكلمته مسموعه فلازم اكون قدام اهله البنت اللي قادره تسعد زوجها كمان وام ولدي الان بيدخل مرحله جديده سجلته حضانه. مااقدر اكون ضعيفه كذا وتكون القوه مجرد تصنع وتمثيل
اذا عندكم اراء واشياء ممكن تخفف عني غير ذكر الله والصدقه واني احاول اشغل نفسي بالخير اعطوني افكاركم حبيباتي انا ماكتبت وفضفضت الا لانكم اخواتي ولانكم اقرب لي من ناس كثير حولي مايعرفون عني اي شي
واعذروني بدخل اطمن عليكم على طول لكن ممكن تقل مشاركتي بسبب اني احتاج وقت مع نفسي


وخطتي باذن الله قلتها راح اعمل منظاو وتحفيز بطانه الرحم واخذ فيتامينات واستشير الدكتور اذا مافي خطر علي ارجع فريش. والعمليه ممكن اعيدها بعد ٥ شهور على ما يهدا جسمي من الادويه واستجمع قوتي.
دعواتي لكم كل قلبي ربي يعوض كل وحده فيكم خير ودايم ماانساكم من دعواتي وانتم ايضا اتمنى ما تحرموني من دعائكم

انا تقريبا مثل وضعك عندي بنت واتحطم كل سنه تمر بدون ما اجيب لها اخوان خصوصا اني سويت مرتين بعدها حقن مجهري ومانجحت لكن انا دائما علشان اطلع من مرحلة الاكتئاب وارفع من معنوياتي اشوف الناس اللي ربي ابتلاها با الامراض والاسقام واللي ماعندهم اطفال احمد ربي مليون مره انا بنعمه كبيره ولازم اعيشها واحمد ربي لليل ونهار على فكره انا ارسلت هنا للقروب وقلت لكم اني سوطت منظار واخذت خزعه لان شافت عنديبقع بيضاء داخل تجويف الرحم المهم قالو النتيجه بعد اسبوعين مره دخل قلبي الخوف وجلست على اعصابي اسبوعين ويوم موعدي اللي اخذ فيه نتيجتي قابلت وحده قسم انواع الحزن بعيونها وحنا نسولف سوا طلعت عمرها ٣٥ ماعندها اطفال مسويه منظار قبل ٧شهور وقالو لها عندك سرطان ببطانة الرحم الحمد لله الذي عافانا مما ابتلاها فيه والله يشفيها يارب وقالو لازم نسوي حقن مجهري لك علشان تجيبين اطفال ونشيل الرحم وكانت مسويه الحقن ولها اسبوعين وجايه تحلل حللت وطلعت اسئل الله انه يشفيها ويرزقها با الولد الصالح العاجل غير الاجل انا الحمد لله طمني الدكتور ان نتطجة تحليلي طلعت سليمه ماشاء الله تبارك الله بس جد استحقرت نفسي ليش الزعل والنكد وانا بخير احمد ربي مليون مره عندي نعم كثيره لازم اعيشها واتقرب من ربي با الثناء الله وانه يبارك لي با اللي قسم لي قسم صرت بس امشي واقول با اعلى صوتي الحمد لله يارب الحمد لله ياعظيم ياجبار يارحيم على جميع النعم اللي انعمت علي

حاولي سافري حبيبتي وغيري جو ونبسطي ونسي كل شي وبس ترجعي أن شاءالله النفسيه عال العال والحمدلله حبيبتي احنا نقدر نعيد مره ومرتين وعشر غيرنا مايقدر حتى يجرب مره وحده وخلي بالك طول ماانتي بصحة وعافيه بتعيدها وبتنجح لانو ربي رحيم بعباده الحمدالله