شاركي في النقاش

سجلي الدخول لإضافة تعليق.

التعليقات

1,996
  1. زينه...
    كيفكم بنات ؟؟ أنا والله من زمان متابعتكم بس اول مره اشارك اسمي زينه و انا فلسطينية عايشة في الشارقة وحابه كلكم تصيروا صاحباتي .. عمري 22 سنة وخاطبة وخطيبي رح يجنني ..لسا هلأ تزاعلنا اسمعوا واحكموا ..احنا كاتبين الكتاب , بس هوه كتير بياخد …
    هلا بزينة الزينة .. الله يتمملك على خير حبيبتي .. ليه انا حاسه انك عم تبالغي شوي ؟؟ يعني اذا اخوانك وامك وابوكي ما حكوكي شي ولا علقوا بيكون شي عادي بس يمكن لانك مش متعودة بتحسي انه عييب .. ولا شو رأيك؟؟
  2. السلام عليكم..

    والله أهلا وسهلا بالبنوتة الحلوة النشيطة..صباح الورد

    شكلك بالشغل بتكوني active أكتر عالصبح.. يا رب على طول

    ما تآخذيني حبيبتي بقرقر كتير ومن كتر ما بحكي بضيع علي أشياء ما بتسنالي أعلق عليها..

    بالنسبة للحياة الزوجية.. أنا معك إنو مش دايما اللي بيحكوه الناس عن الزواج مزبوط..أنا متلك الحمد لله يارب يديمها ويحفظها نعمة لهلأ بحس إنو حياتي من لما تزوجت ما تغيرت.. واللي قالولي إياه إنو بعد الزواج بسنة بتشوفي.. بتزهقي.. بتغيري رأيك..

    ما صارلي هالشي هلأ بعد 3 سنين ونص..اللي صار بس إني نضجت أكتر وصرت أتطلع عالعلاقة بشكل عام إنها مش حب وغرام و دايما رضاي المطلوب.. صرت أراعي إنو في جوة حيطان بيتي مش بس دولة.. لأ مملكة .. وملكها مش بس بيهمني رضاه.. بيهمني مملكتي تمشي كل أمورها مزبوط عشان ما يصير فيها قلاقل..(حلوة هاي قلاقل)..
    القصد.. إنو المركب عشان تمشي لازم كل واحد يتحمل اللي عليه من التجديف والتنين يواجهو الرياح سوا.. ومرات إحنا نيجي على حالنا ومرات هم يدارونا.. واللي ما عندها تجاوب بهاي الأمور من نصفها الثاني.. أتوقع هي اللي بتقول كلام غير اللي قلتيه عن الزواج(إنه حلو)..

    المعنى بالنهاية إنو كل بيت داخل جدرانه مليان قصص وحكايات المهم كل وحدة تخلي عينها وقلبها على مملكتها وتحاول ما تشوف غير القصص الحلوة (تنظر للنصف الممتلئ من الكأس)

    وبهارات الحياة.. المشاكل.. لاغنى عنها.. أصلا بدون خصام.. كيف رح يكون في مراضاة ودلاااااااال!!!

    واللي بيراعي رضى ربنا بكل أمور حياته عمره ما بيشوف إلا مايسره..
    ونصيحة عمر ما وحدة تنام بدون ما يكون زوجها راضي عنها حتى لو هو الغلطان.. إكسبي عليه بدل ما يكسب عليكي!
    ودمتم..!
  3. صباحو يا حلوات

    كيفكم اليوم بدي افضي حالي معكم خصوصي

    بدي ابرم جاي عبالي

    مع انه لسه مصدعه من ضرسي

    بس كله يهون لشوفتكن الطيبة

    بالنسبة للصداقه بدي احكي بالموضوع برواق

    انا بالنسبة الي صداقات كتيرة من النت وبرا النت

    من النت معرفتكن الطيبة اللي تطورت مثلا وقابلت نوني بحكم انها معي بنفس البلد الكويت

    ونص البنات تقريبا بحاكيهن مسنجر وتلفونات

    شي اكيد حلو وطيب صرلنا مع بععضنا بهالملف سنه تقريبا


    اميرة ؟ بدي اقلك يختي وين اللي بدها تعمل حصه تعليمية بعد رمضان وانتي عارفة قصدي هخخخخخخخخخخخ

    مبارح تذكرت بليل وقلت ببالي والله اميرة نست وعدها هي وسنا حقدت عليكم ههههههههههههههه

    والشاهده يومها عليكم نونو

    هههههههههههههههههه :D
  4. @zynh_13

    ايمان الحبيبي
    بنوته حلوه يارب تضل ايامكم كلها حلوه ومش شرط ان تكون الحياه الزوجيه مش حلوه بس مرات الواحد بيحن يرجع لحاله عند اهله بدون اولاد ولا زوج ولا بيت يعني طلبا للراحه من المسؤوليه بس مثلا انا عند امي لما امرض او اتعل لو نتفه صغيره بحط راسي وبنام…
    شكرا لكل مين رد علي .. اولا انا ما عندي اخوان
    و تانيا بس احكي هيك بيقولي هاي خواتي بيقعدوا هيك عنا في البيت ما فيها شي وانتي صرتي مرتي وبكفي انه العرس تأجل عشان انا ما بقدر اخد اجازة من الشغل قبل ما أكمل 6 شهور وشغلي منيح ما بقدر اتركه ,وبيضل يحكي انه لو ضل الموعد زي ما هو كنا متزوجين.. وانا بعرف انه هالكلام صح
    بس اي مش عم يفهمه اني ما بكون مرتاحة ابدا وانا قاعدة وهو بدو اني اصير عادي من هالناحية
    بس انا قررت ما اغير رأيي وهو حر

تابعي تجارب أخرى من هذا القسم.