مساعدة عاجلة رحم الله والديكم ...

السلام عليكم ورحمة الله وبركاته..

كيف حالكم اخواتي وانشاء الله بخير..

لما تعبت قلت اطرح الموضوع هنا وكلي ثقة ان بناتنا ما يقصرون ..

قرب اخواتي موعد زواجنا ان شاء الله بعد 6 اسابيع ولكنني غير مرتاحة في الوقت الحالي مع خطيبي.

بمعني آخر مجرد ان حددنا الوقت الزواج. اشوفه على غير طبيعته واقصد كلامه معي فهو من ذيك الوقت دايما ما يغلط علي ويصارخ ويعصب ومش عاجبه اللي اسويه واستعداداتي الشخصية للزواج ويشبر ويعبر و يعفس ملامح وجهه لأي ولأتفه المواضيع لدرجة انني ما اقدر اقعد معها واقول ليه ودني على بيت ابوي ارتاح هناك احسن,...

اخواتي انا ما ابغي نتزوج واحنا كذا لأن حالته غريبة واول مرة اشوف هيك.. لأني احس انني بعيدة عنه في هذه الفترة كما احس انها فترة محرجة وحساسة ,. ولازم نكون اقرب من بعض بس اني مو طايقتنه وما ابغيه على اللي يسمعني وياه...

ارجو المساعدة فأنا مضطربة جداً...

دعاء الأمل

11 تعليق 1,143 مشاهدة

شاركي في النقاش

سجلي الدخول لإضافة تعليق.

التعليقات

11
  1. @gold_star

    انا اقول اذا يصارخ ويعفس لا تكلميه ابدا ولا تردين على مكالماته علشان يحس بغلطه وضروري تخبرين اهلج بالموضوع مو تسكتين وخليهم هم يردون عليه ويسألونه ليش يعاملك بهالطريقه لان اهلك ادرى بمصلحتك واكيد يعرفون اخلاق خطيبك ..
  2. @am_alkhmayl

    تبين رايي: ابعدي عنه هالفترة (وش خليتوا لبعد العرس؟؟
    خليه يشتاق لك وتشفق للدخول بك يا الغالية ...
    عطيه وعطي نفسك فرصة تشتاقون لبعض أو تطلع مشاعركم الحقيقية سواء بشوق او بغيره!!
    ابتعدي عنه بعذر انك مشغولة بالتجهيز وحاولي ما تطلعين معه أبدا وخلي المكالمات قليلة وسريعة جدا ...وحبذا تبطلين مسجات الا للضرورة ....هذا رأيي....
  3. @lamyth

    بصراااحه انا استغرب من اللى وقت التجهيز تطلع مع زوجها وتكلمه وتضغط عليه طيب انتى مضغوطة ومتوترة وهو اكيد نفس الشئ لانه راح يترك بيت اهله ويصير مسئول عن بيت وزوجه وبيكون اسره وخايف من المرحله هذى غير عن الضغوطات الماليه
    وانتى اكيد نفس حالته يعنى طبيعي اذا كان متوتر وتفكيره مشغول ومضغوط بيعصب ويسوى مشاكل فلافضل هالفترة قللوا مكالماتكم وشوفاتكم لبعض والله يوفقكم
  4. @amptlfon_khrban_amp

    فعلا المرأة هي اللي تعز نفسها عند زوجها او تذلها

    انت الان على البر ولازم يعرف انه ما يغلط بالاسلوب الغلط

    وانا مع الاخت ام الخمائل تبعد عنه وتشوف وش النتيجه اذا حسته رجع زي اول وبدى يشتاق لها والا لك حادث حديث

    بس لا تقطع بقوة ولا تحسسه انها تسوي خطه يعني اذا اتصل لا تسفهه وتقول والله معليش يالغالي انا عند الخياطه ارجع اتصل عليك

    وتقلل الاتصالات

    والله يوفقك ويسخر لك

تابعي تجارب أخرى من هذا القسم.