¨°o.O (( رابطة المتحزمات)) O.o°"

بنت جده الكول

مبروووك النزول
بس سوي رياضه احسن وافود لك عشان تنزلين اسرع


عسووووول

لا توتا مررره طيوبه وقلبها ابيض
وعن الرجيم انا اليوم رابع يوم واول مرره من زمان احس ملابسي وااااسعه
اكيد لازن توسع اصلا انا عايشه على الخضار وسلطة السيزر

الثلاثينيه
لا انا الان عندي 7 سيسي
هو حط لي 8 بعدين شاف ان المويه ماتنزل وسحب 1 صار المجموع 7


ياحليلك تغصين وهو بس 4 سيسي ماشاء الله عليك

انا يوم كان 4 سيسي ماكنت احس بشي كنت اكل زي الفيل

بنات عمري أنا أول كورس بالكليه

وزني صك 125 شنو تنصحوني اسوها ومنو احسن شخص سويها بالكويت او اي مكان ثاني

وهي مع رجيم ورياضه ولا شنو

عمري 18

السلام عليكم بنات ياريت تقبلوني عضوة في الرابطه
انا متحزمه من محرم عام 1426
كان وزني 124كيلو بعد ماركبت الحزام بشهرين نزل وزني 15 كيلو فحملت بسبب نزول وزني وبعد الولاده لدحين نزلت 12 كيلو يعني المجموع 27 كيلو
تخيلوا بعد الولاده باسبوع وزنت نفسي لقيت نفسي نازله 2 كيلو عن وزني قبل لا أحمل
بس ايام الوحم والترجيع كانت عذااااب مو طبيعي
واخر الحمل لمى البيبي يضغط على المعدة والحزاام
ألم مره قوي
بس الحمد لله جاء البيبي ماشاء الله صحته طيبه

سلااام ياحلى بنات في الرابطة تدرون من دخلت معاكم احس حماسي زاد حق الضعف بس الله يكرمنا انشالله وتعبنا مايروح على الفاضي .

توتا : تدرين انا بروح عنده وبقوله لا يضوق لي على الاخر بس وايد متخرعة من الابرة اهي تعور ولا لاوممكن اعرف عقب ما ضوقتي شلون كان نظام اكلج .

الثلاثينية : مبرووك النزول وصج من طول الغيبات .

ريم : للاسف ماسمعت عنها لاني عمري مارحت حق اخصائية كنت اخربط بالريجيم من راسي .

السنيورة : استخيري وسويها بس حطي في بالج انج لازم تنسين الحلويات والرياضية ضرورية عشان مايترهل الجسم . وبالنسبة للدكتور ماعندي فكرة بس انشالله بنات الرابطة مايقصون معاج

بالنسبة لاخباري : احس الم العملية وايد خف وصرت اكل بدون الم والحمد لله مااغص وايد الا اذا كبرت اللقمة وكلت بسرعة صار لي الحين شهر واسبوعين كان وزني 118 وصرت 107 طولي 167 ادعولي يابنات اضعف خلال هالسنة لاني متراهنة ويا اخوي على هالشي ومابي اخسر الرهان ابي بس 75 .