ارجوك وقفي هنا ودخلي بس10 دقايق ارجوك رايك مهم عندي فلا تحرمي اختك

اختى العزيزه بمائنك طلبتى رائ اخواتك فى الله فهذا يعنى انك تسمعى النصيحه
وهذا الشى طيب اختى انا انصحك بترك هذا الرجل لائنه وبكل بساطه ممكن يكون يسجل كلامك
وعندما تتركيه يقوم بفضحك امام الملاء اختى بالتالى من سيكون الضحيه هم ابنائك طبعا
ونصيحتى هى ات تتركيه بدون سابق انذار يعنى ما اعتذر له واقول انا تبت خلاص ما راح يتركك بس اذاقطعتى التليفون مثلا سكريه فتره او قولى لزوجك انك تبى اتغيرى الرقم وغيرى رقمك
واذا بحث عنك وماوجد الرقم خلاص ماراح احصلك مادام مايعرفلك طريق

اختى انصحك بالابتعاد عن هذ الشاب

طيب جربي كذا وقولى له خلااااااص علاقتنا انتهت شوفى ايش يسوى
ياعزيزتى الذئاب البشرية وخرابين البيوت عندهم صبر كبييييييييير على الوحده الى ان يجيبها عند رجليه مافرقت عنده كم سنة لان اكيد عنده بديله لك من صديقات ضحك عليهن بمسمى الاخوة مثل ماضحك عليك وجالس يلعب عليها الى ان يحقق غايتها منك
ادرى بتتضايقين كثييييير من كلامى بس هذى الحقيقه اللى جالسه تخبينها عن نفسك ومادام انتى حاسه ان فيه صداقه واخوه مثل ماتقولين ليش ماخبرتى زوجك واهلك عن هالشخص
طبعا لا لانك عارفه مابنى على باطل فهو باطل حتى لو كانت صداقه او اخوه يااختى احنا في زمان اغبر ومنيل بستين نيله الاب يطعن ولده والعم يطعن عيال اخوه والام تكره بناتها والاخت ماهى اخت
انتبهي طريق مظلم اللى انتى ماشيه فيه ارجعى لعقلك ولزوجك وشفيها اذا هو مو رومانسية الجدية حلوة اصابعك ماهى سوى ويمكن ظروفه صعبه والناس تختلف باطباعها حاولى مع زوجك لانه هو اللى باقي لك وبالحلال ولاتمشين ورى وهم زائف مصيره للزوال
اللهم بلغت اللهم اشهد

الله يهديج ويصلحج ..

الحرام ما وراه الا الحرام .. واللي تسوينه ما راح يجيب لج راحة البال ولكن بيجر عليج الفضيحة في الدنيا والاخرة

تعتقدين لو ان زوجك اكتشف هالشي ايش بيكون موقفه .. ما راح يغفر لج مهما كانت الاسباب

بذمتج تقدرين تكلمين هالشخص بشكل عادي جدام زوجك ، هل تقدرين تقولين حق زوجك انج تكلمين رجال غريب وانتي واثقه انه مافي شي بينكسر بينكم

اتق الله في نفسك وعيالك وزوجك وتوبي لله وادعي الله يغفر لج ويستر عليج لانه لو فضحك الله فلا ساتر لك

الاخوات كفوا ووفوا جزاهم الله كل خير

تعرفين مقولة ( عذر أقبح من ذنب )
العذر هو انك تتعذرين بعلاقة الاخوة والذنب هو علاقتك مع هذا الشخص مهما كان نوع العلاقه

من الان عزيزتي قرري انك توقفين هالمهزله اللي صايره واتصلي على هذا الشخص وقوليله انك اكتشفتي ان الكلام مع شخص غريب يعتبر حرام وانتي ماترضين لا لنفسك ولا له بالحرام

غاليتي ...أرجوا منك قراءة ماسأكتبه جيداً ...أللي حصلك يالغاليه ردة فعل منك تجاه زوجك أنتي تبين الرومانسية والمرأة بطبعها تبي تحس بالحب والحنان والأزواج مختلفين فيه أزواج كلامه مثل العسل ينقط رومانسيه وفيه رجال يعبرون عن حبهم بأفعالهم مثل زوجك تماماً تقولين مايرفض لك طلب وهذا نوع من تعبيره بحبه لك يعني زوجك مايعرف يتكلم كلام رومانسي لكن تصرفاته تدل على الحب وأحمدي ربك على هالنعمه يعني لوكان لسانه حلو كنتي بتخافين يقول لغيرك مثل مايقولك ؟؟وسبق وقال لك المحبة في القلب وهذا المطلوب ..عزيزتي هذا أللي يكلمك حقق الخطوة الأولى بنجاح يعني استغل لحظات الضعف لديك والله العالم وش ناوي عليه ومهما كان كلامه حلو ومعسول ثقي تماماً أنه له غرض وبيوصله ساعتها بتفقدين كل شي وهو ماراح يضره شي وإذا تبين نصيحتي لاتقطعييييين العلاقه معاه !!!!لالالا أنهيها بصمت يعني لاتقولين له بقطع علاقتي معاك لا لأنه ممكن يحاول يستدرجك ويسجل لك هذا إذا ماكان سجل أصلاً يعني إللي أقصده غيري رقم جوالك فوراً بدون لايدري عنك لأن إنتقام الرجال ماهو سهل أبد والله يستر عليك ياقلبي وترى الشيطان معاكم على الخط الآن ويستغل لحظات الضعف عندك ويزين لك هالفعله فتعوذي منه وأرجعي لزوجك تاج راسك وأحمدي ربك عليه ياشيخه .. وأتمنى إنك ماتكونين أعطيتي هالرجال أي معلومات عنك أو عن زوجك أو بيتك حتى لا يستغلها لصالحه ومن هاللحظه لاتردين على أي إتصال منه وحتى الرسايل سويلها حذف قبل لاتقرينها حتى مايلين قلبك والله ينور قلبك ويهديك للحق ..وترى أللي تسوينه خيانه لزوجك فالنهايه سؤال تبادر لذهني تخيلي أن زوجك هو اللي مرسل هالشخص لك يبي يختبرك هل أم أولاده وشريكة حياته تكّلم شباب ولا هي جديرة بالثقة بأنها تكون زوجه وأم صالحه ممكن على الإعتماد عليها... وش بتكون ردة فعلك؟؟؟؟؟ أترك الإجابه لك!!!