شاركي في النقاش

سجلي الدخول لإضافة تعليق.

التعليقات

2,002
  1. دموعي قريبه وطبوعي
    ببنتي الأخيره كان عندي ولد و3 بنات وهي الرابعه ومن ضغط المجتمع كنت أبكي وأدعي إنها ولد حتى بعد ما شفت السونار لا زلت أدعي وأتوب من أمور معينه وأبكي وجاني توتر ماهو طبيعي ولما جت بنت حسيت تحطم ونقص وكأنني ما بجيب غير بنات الله يعفو عني كل…
    ياعمري ...
    الله يعوضك بالخير يالغالية
    كانك تتكلمي عني
    بكري ولد وبعده ثلاث بنات
    فقدت وحده
    ومااريد احمل لان خلاص ففكري بجيب بنات

    البنات حلوووات

    بس مثل ماتفضلتي مجتمعنا والناس اللي حولنا
    يعيشونك فتوتر حتى هنا الاحظ فالمنتدى



    لو عضوة معها اولاد وتريد بنت الكل يتعاطف معها ويشاركون ويردون ع موضوعها سواء تجارب علامات سونار اي شي بس لان تبا بنت


    ولما يصير عكس عضوة معها بنات وتبي ولد
    الكل يتهجم واللي بردودهن تغث واللي يكتب اتقي الله ياجاهله والله كثير استغرب


    هذي فطرة فالانسان اللي معه جنس يبي من الجنس الثاني واللي ماعنده ذريه يبي ذريه مش مهم الجنس بس تالي يصير مهم ويبون بنات واولاد


    بس اذا منتدى يصير فيه هجوم ... فما بالك بالمجتمع وبالمحيطين. ... حتى الدوام ام البنات وام الاولاد ... ولما يبشرون بفلانه ولدت جابت ولد

    ولما يبشرون بفلانه ولدت جابت بنت يختلف حتى النبرة




    انا مرة وحدة فالدوام زميلتي تقول لي الله يعينك ع كراتين الاولويز 🙈 انا انصدمت مافهمت مااستوعبت

    وكل هذا لان معها بنت وثلاث اولاد ومتفاخره
  2. وولدي الحين عمره ١٠سنوات
    ومحد يلعب معه ودايما وحداني ولما يلعب مع الجيران اغلبهم اخوان ثنين ثلاثه يصير وحده ماعنده سنده من يومين ضاربينه وايد جلس يوم ورد يلعب معهم والله يكسر خاطري
  3. @khlst_alasamy_aan

    اييييه بكرا تطفش صدقيني


    انا شفت امهات البنات وامهات الاولاد
    امي حنا ٥ بنات وولديت وعمتي ٥ اولاد وبنتين
    وكانت شايفه نفسها على امي وكل ماشافت ابوي يوووه الله يعينك الله يعيييينك انا ماادري ليش كذا
    سبحان الله الان بيتها فاضي ودايم طفشانه صارو عيالها متوظفين بس كل واحد بمكان وبنتها تزوجت وسافرت بعيد والثانيه تقول دايم طفشانه وتروح لصديقاتها وانا لحالي بس افرح اذا احد بيطلع اطلع اغير جو


    وامي ييتها مليان الحمدلله ماشالله كل يوم وحده ثنتين عندها ومع عيالنا واجتماعنا الله يديمه عمتي اذا جت تقول استانس عندكم
    ابوي جا لامي يقول دخلت بيت اختي ظلاااام هي وزوجها قاعدين مافتحو ولاالمبات


    انا ابي ولد واتمنى اللي ببطني هالمره ولد ولو بحمل ثانيه اتمنى معه اخو مب عيب ولاحرام زكريا دعا الله واستجاب له الله ورزقه يحيى وانا مايهمني كلام الناس ولاعلي منهم بس انا ابي واتمنى ودعيت الله وواثقه باذن الله بالاجابه


    مهما كان حنا عرب ومسلمين والرجال لهم دور بحياتنا رضينا او مارضينا يكفي شرط المحرم بالسفر والعمره والحج ومعليش الان كلن لاهي بحياته لو ماعندي ولد واطلب اخوي يودين العمره يمكن يطيع ويمكن لا ويمكن يقول ماعندي او يقول دوامي او زوجتي لكن ولدك تامرينه امر والله الهادي وحتى لو زوجته ماتقدر تقول شي لكن مرت اخوك او حتى ولد اختك ماتقدرين
    ابركب مع سواق ابدخل عند دكتور اشياء بسيطه وكثير ناس يتهاونون بها بس ضروري جدااا المحرم


    وه بس واضح اني منحشره من جلسه امس وابجي اقرق على روسكم

تابعي تجارب أخرى من هذا القسم.