مواقف وقصص في طواريء الولادة.. !

لاحول ولاقوه الا بالله
ناس مريضة

سبحان الله قد قريت ان جنس المولود من الاب مش من الام المفروض تقلب عليه وتقول انت ما تجيب الا بنات ويحمدون الله على ذا النعمه بعض البنات افضل من عشر اولاد الله يصلح لنا ما عطانا
والحمدلله على العافيه والنعمه

موضوع جميل كجمال صاحبته ❤️
انا داخله التاسع من يومين ويدي على قلبي من اعادة تجربتي بولادتي السابقه الله لايذوقها مسلم
وبسرد لكم اكشنها لعل وعسى ياسمين كود مرت عليها هالحاله
طبعاً خلص التاسع واخذت من العاشر ست ايام رحت فحصت بمستشفى قريب قال الدكتور المشيمة بدت تتكلس لازم ننومك ونعطيك طلق طبعاً رفضت وطلعت على مسؤوليتي
رحت للبيت كان وقتها وحده بالليل غليت لي قرفه وكف مريم وثقلتهن واشربهن بعد مابردت شري ونمت بعدها
جت الساعه سبع الصبح وتنزل السداده قلت الحمدلله قرب الفرج
يبدا الطلق معي سبحان الله حامي من بدايته كل عشر دقايق
انتظرت الى تسع صار كل سبع دقايق استغربت دقيت على زوجي قلت تعال
وجا وبما ان المستشفى بعيد شوي اللي بولد فيه قال بس يالله نمشي وبالسياره اشوف الساعه صار كل خمس دقليق ومؤلم مره يضرب بالظهر والبطن
وصلت دخلت الطواري وكشفت قالت ٢-٣ سم قلت كل هالالم وبس كذا مفتوح
المهم دخلوني وسويت اشاعه وقالت دكتورة الاشعه البيبي كبير حول٤٣٠٠ واقول لزوجي قلت بطلع واروح لحكومي ابي قيصري لان مسشفاي خاص
المهم مسكتني دكتورتي وقاست بطني قالت ابدا ماوصل الاربعه وان شاء الله تولدين طبيعي


للحديث بقيه

جلست والطلق يضرب بالظهر والبطن كل خمس دقايق
جا وقت الظهر والعصر والرحم واقف على ٤ سم بس
جتني الدكتوره على منتصف العصر قالت بفك الماء وبسوي لك تحريض وسوت وفتح لخمسه ووقف تخيلو صار الطلق كل ٣ دقايق وحامي مره والدكتوره تشوفه بالجهاز
استغربت من الحاله
قالت ليش الرحم مايفتح اكيد فيه مشكله واقولك ترا اذا مافتح للعشا بنحولك قيصري
قسم بالله ان بجنبي وحده مصريه الله يذكرها بالخير تجي ترش وجهي بالماء لاجت الطلقه
نزلوني للكشك تحت وحطولي كمام علشان اريح شوي
جت الساعه تسع والرحم واقف على خمسه قالت الدكتوره بكشف بشوف
وتحاول تدخل اصابعها بتشوف وضعية الطفل
تخيلو وش صار💔


















الجنين جاي على ظهره وواقف بالحوض يعني راسه علو فوق علشان كذا ماقدر يدفع وينزل😭😭😭
بعد طلق ١٤ ساعه طلق حامي اكتشف السبب بعد ماانهد حيلي وتعبت ويوم شافوا نبض البيبي قام ينزل حولوني للعمليات💔😭




اللي قهرني كيف مابان بالاشعه ان البيبي مقلوب جاي على ظهره


الله يكتب لي اجر الولادتين
وهالحين خايفه مررره وبسوي اشعه بعد كم يوم بشوف الوضعية
ربي يسهلها من عنده ولانجرب القيصري مره ثانية
ولاتنسونا من دعواتكم ❤️

ياربي جاني شد عضلي بمخي وبطني يااارب يعظم لنا الاجر ويرزقنا الحسنات قد الالم واكثر
بس بسال اذا ماء الجنين نزل كم تصبر الام لين تقدر تروح المستشفى