شاركي في النقاش

سجلي الدخول لإضافة تعليق.

التعليقات

2,029
  1. "Aleen"
    والله ياتوليب ولدي عنده فرط حركة وشقي بسم الله عليه احسه زاد حاله لما دخل المدرسه وزادت حركته بزياده هذا وانا مادخلته روضه فقط تمهيدي والمعلمات يشتكون منه مدري احس من هذي الناحيه مالها دخل لكن من ناحية التواصل وتنميت المهارات وكيفية التعام…
    ما شاء الله عليه

    هيه بكري كانوا يشتكون منه بالابتدائي لانه لازم يقعدون ويلتزمون بمكانهم ما يقدر يتحرك

    فكان يلعب بالكرسي او الطاوله او الاقلام او يتلفت يمين ويسار

    والمعلمه كانت تشتكي منه اقول لها طفل ماعود يتحرك ويلعب ويتنطط بالروضه

    فجاه تبيه يقعد بمكانه مستحيل 😒

    بالروضه لان في تمارين وانشطه وحركه كان يرجع البيت هادي شوي ما يتعبني
  2. صاحبة الموضوع
    لطوف ٢٠٠
    بنتي كانت اذا جت تنام تقولي خايفه وتجلس تعطيني خيالات بيجيني تمسااح بيجيني سمك القرش الخ وانا اجلس اقولها مافيه شي واشرح لها وتتعب اعصابي ارحمها اخر شي كشفتها انها تسوي كذا عشان تلفت انتباهي واجلس ابربر عليها ساعه قبل النوم وحست ان موضوع ا…
    هههههههههههههههه ياعمري عطيتيها بالجبهه
    لا ولدي يتحلم احيانا ويقوم مفزوع يصيح ومايحس فيني لين احاول اصحصحه واطلعه من الكابوس اللي هو فيه 💔
  3. سماااارت
    اي بعض الاطفال يزيد نشاطهم بالمدرسة ، وبعضهم النشاط يزيد متى ماوصل ٥ او ٦ سنوات ماله دخل بالمدرسة وترا الطلاب الي معه بالفصل لهم دور يمكن يتأثر فيهم
    صدقتي في اطفال ينعكسون

    ولدي الثاني فديته هادي بالبيت وابدا ابدا ماتعبني بتربيته

    ومره سرت الروضه زياره توقع المعلم بتقول هادي

    فجعتني تقولي ولدك شقي ويتضارب مع الاولاد وضرب بنت 😱

    قلت لها متاكده تتكلمين عن ولدي 🙈

    صدمتني صدمه عمري

    تقولي الله يحفظه مسوي عمره كبير وما يحب احد يتفلسف عليه ويعصب بسرعه

    انصدمت منه لانه هادي ونادر يعصب بالبيت وبعمره ماضرب اخته الصغيره مع انها كانت تلعوزه وتضربه

    صدق بعض الاطفال يتغيرون للاسوء بالمدرسه 😅

تابعي تجارب أخرى من هذا القسم.