والله انا لي وجهة نظر بالتعليم بالحمل
انا اقول بعد الثلاث شهور ماله داعي الوحدة تخبي ، لان مو شرط تجي العين بس وانت حامل ، طيب ممكن تخبين ويدرون بعد ماتولدين وتكون فجعتهم اكبر متى حملت هذي !!!!! مو شرط العين بالحمل ، واذا ولدتي خلاص تكونين محصنة من العين؟!!!!
انا وحدة تاخرت بالحمل قبل ولدي الاول وماحملت الا بعمليات
وبعد ولدي تأخرت وماحملت الا بانابيب
وعندي نقص بالمخزون يعني احتمال اوصل سن اليأس قريب لاقدر الله
ومع ذلك اذا خلصت ٣ شهور صح مااروح اعلم بس بنفس الوقت اذا وضح علي ليش انكر !!! حتى القطاوة في الشارع تجيب ٤ مع بعض مو شي غريب ، بالعكس هذا شي فطري كل الناس تحمل وتولد ، الغريب الي مثل حالتي ماتحمل
اذكر وحدة معي بالجامعة وقتها انا لسى ماتزوجت ومو في بالي الحمل شفت بطنها كبير وهي صديقتي مقربة قلت الله يهون عليك ، قالت هذا مو حمل !!! انا كرشتي كبيرة لاني سمينة !!😅 وربي صدقتها ، بعدها بشهرين ولدت ، الصدق ان مر ع السالفة هذي تقريبا ٩ سنوات وللحين محتقرة البنت هذي !! سلامات تكذبين علي ؟ ميتة انا ع الي ببطنك ولاميتة ؟ تراها دعوة خير ليش تمنعين نفسك منها
حتى يوم ولدت باركت لها ولازعلت ابدا منها مع نفسها مو انا الي ازعل عشان جنين ببطن امه ان كان فيه نفع فهو لامه انا مالي علاقة فيه
نصيحة لاتخافون من العين اكثر من اعتقادكم ان الله خير الحافظين
كل يوم رددي اللهم اني استودعتك مافي بطني فارني اياه سليما معافى وارزقني نفعه وبره وصلاحة
ووسعوا صدركم ، الشيطان والعين اضعف من انها تنزل الي ببطونكم ، الجنين الي يموت او يكون متشوه غالبا يكون من بداية الحمل من الخلايا تكون ماتشكلت بشكل صح تلاقين بعضهم يموت وهو عمره اسابيع وهذي بدال ماتفكرون انها عين فكروا انها رحمة من ربي لك وله لايعيش مشوه ولاتعيشين مع طفل مشوة وتولدينه ويكبر وتتعلقين فيه ويموت بعد كذا
احنا بس لو فكرنا ان امر المؤمن كله خير كان ماوصل حالنا كذا
ارجو انكم تتقبلون كلامي وتأكدوا ماقلت لكم كذا الا لاني احبكم واعتبركم مثل اخواتي
🍃🌸التجمع (19) لمواليد نوفمبر وديسمبر 2018🌸🍃
متابعة النقاش، صفحة 279