ارجو من كل اخت ان تبدي رايها جزيتم الفردوس لاتبخلون علينا

اذا تقدم مثلا لك انسان خلوق جدا ومتدين وانسان ماعليه كلام صاحب دين وخلق بس
ماعنده جواز عنده وثيقة هو من نفس البلاد وعايشين ومولودين كل حياتهم في البلاد نفسها بس ماعندهم حتى عايلتهم اسمها معروف بس ماعندهم الا وثيقة مانعرف ليش بس الإنسان يعني مثل ماقلت لكم ماشاء الله عليه الكل يمدحه انم ايش رايكم اذا صار لج نفس الشي
طبعا هو يترتب عليه اشيا وواايد خاصة في المشتقبل بس سبحان الله هذي حال الدنيا ؟؟
عطونا ارائكم ياخواتي:)

7 تعليق 673 مشاهدة

شاركي في النقاش

سجلي الدخول لإضافة تعليق.

التعليقات

7
  1. @dmaa_hzn_6

    صلي استخاره وان شالله يكون الي فيه خير لك

    بس لازم يكون معه علي الاقل اوراق رسمه في المستقبل تضمني تعليم وعلاج اطفالك او تضمني انه يبقي في اللبلد الي مقيم فيه مايسافر ومايقدر يرجع لها

    وان شالله تكوني تقدري بعطيه الجنسيه او الجواز وتنحل مشكلتك
  2. @am_alkhmayl

    ان كان هذا يأثر ها اسم العائلة والنسب فكثير من العوائل لا ترضى لأنه يكون فيه فرق في المستوى الاجتماعي وهذا يفرضه عليك المجتمع حتى لو احنا قلنا انه رجل وما عليه والرسول عليه الصلاة والسلام قال(إذا جاءكم من ترضون درينه وخلقه فزوجوه) لكن هل هذا هو الحاصل فعلا؟؟

    اعرف لك عائلة زوجت بنتها على هالأساس والله سافرت مع زوجها ومن بكره الصباح كل الحمولة عند الباب وطلقوها منه بالقوة!!

    واللي في جريدة الرياض هذاك اليوم بعد ما مات أبوها راحوا اخوانها يطلقونها منه بالقوة ومعها منه عيال عشان نفس السالفة!!

    وإحدى العوائل تزوج ابنهم من بنت ليست من نفس المستوى الاجتماعي ووالله حتى الان ما احدي راضي من العوائل المناسبة يزوج أخوانه وبكره أولاده وبناته!!!

    طيب مادام هذا تفكير مجتمعاتنا ليه نحطم أجيال واحنا عارفين النتيجة؟؟

تابعي تجارب أخرى من هذا القسم.