تعبت مع بنتي والخوف الزايد وقت النوم

اي هي شافت لعبه مرعبه

ماكانت تخاف وتغيرت

اتوقع هذا السبب يحتاج فتره تنسى

حبيبتي بنتك صغيره ليش يتضايق ابوها اذا جتك ويضربها والله حرام انا نفسك عندي بنتي الوحيدة
خليتها مع اخوانها لين صار عمرها ٨سنوات بعدين سويت غرفتها
كانت بنتي مثل بنتك تدرين ايش أسوي اذا صحت وجتني حضنتها وحطيت لها فراش بالأرض عندي ونامت وارتاحت نفسيتها لين كبرت شوي
وربي رزقني في بنوته ثانيه ياربي لك الحمد والشكر
عمرها ٩شهور ويارب تبلغني بشوفتهم جنب بعض وتصلحهم هم واخوانهم قولو أمين
يازين البنات والمكان اللي ينامون فيه يازينهم ويازين أحضانهم وسوالفهم وقصصهم اخر الليل
انا اذا تكلمت عن البنات أطول هذره اللي حولي يقولون تكفين لاتدوخينا في بناتك
الله يحفظلي انا وياكم عيالنا وبناتنا قولو أمين

هو الخوف طبيعي جدا بمثل سنها
و خاصة مع الاسباب التي ذكرتيها
لذلك احتويها و نامي معها و لا يظربها ابوها و هي خائفة و من فزع النوم
سبحان الله هل قلبه من حجر ؟
سوف تتكون عندها أمور اخرى لا سمح الله من جراء الظرب و الفرض عليها بالنوم لوحدها
اعيدي لها سريرها بغرفتك حتى العام القادم
حتى تستكين روحها و تنضج قليلا و تصبح تميز بين الغول كما يقولون هذه الشخصية الخرافية
التي صنعت جيلا خوافا هشا و مريضا نفسيا و الحقيقة
ارجوك تصرفي قبل فوات الأوان