وحيده اعوذ بالله من الوحده

ممكن هدوئك يعطيهم انطباع انك ما تبغي تحتكي فيهم ف هم علشان كذا مايقربون منك ومايكثرون معك.. ممكن شكلك العام يوحي انك متكبره فيبتعدون طبعاً كثير كذا بس سبحان الله تجلسي معاهم تلاقيهم عسل.. انا اقولك ممكن ذي احتمالات

يمكن طاح حظك في ناس علاقتهم محدودة فاكتفو بناسهم ومعاد انهم فاضيين لاي احد ثاني يتواصلون معاه روحي نادي مثلا يمكن تلقين ناس يرحبون بالصحبه ومنها تستفيدين والسناب مو لازم تضيفين ناس تعرفينهم من الانستقرام في بنات منزلين سناباتهم ضيفهم وعادي شاركيهم الصور واليوميات بس طبعا صور عامه مو خاصه

ياعمري عليك ... شوفي رد الأخت اللي اسمها ( انا ايجابيه )
اتوقع كلامها صحيح .. طيب انا بقولك حل : انتي ابدأي ..
يعني الحين انتي موظفه .. مو معقوله كل الموظفات مايبونك .. شوفي البنات وشوفي اكثر وحده تحسينها متقبلتك .. افتحي معاها اي موضوع وكأنك تسألينها عن شي يخص العمل .. وحاولي تاخذي وتعطي معاها بحدود يعني لا تزودينها 😂😂 ولا تنسي الكلمات اللطيفه مثل الله يسعدك الله يعطيك العافيه ، ماقصرتي ، تسلمين حبيبتي ...


بعدها بفتره راسليها ع الجوال .. بس بثقل يعني .. مو مره ترخصين نفسك .. تواصلي برسايل عاديه مثلاً دينيه وكذا م سواليف ...


امدحي في يوم لبسها وذوقها مع قولة ماشاء الله تبارك الله عشان مو يصير فيها شي وتقلب عليك 😂


مافاد معاها .. جربي نفس الطريقه مع بنت ثانيه ..


بس نصيييييحه .. اللي تشوفينها تتصدد وتصرفك خلاص حطي عليها اكس واتركيها ...


عموماً انتي بادري .. لا تنتظرين الناس يمكن مثل ماقالوا البنات يحسونك مو اجتماعيه ...


لا تنسي كمان الاهتمام بشكلك الخارجي وبالنظافه الشخصيه .. ممكن تكون سبب .. معليه لا تزعلي مني في كلامي بس والله ابغى اذكر اي سبب ممكن يكون فيه عشان تنتبهين ياقلبي ...


وأخيراً .. ممكن كانت لك علاقات حلوه وحد حسدك عليها ...


للأسف الشديد انا كنت كذا في اولى جامعه وربي من بنت لبنت الكل كان يبغى قربي لدرجة كانوا بعض البنات يزعلون مني اني ماالقى وقت لهم ... وكانت الهدايا والعلاقات والصداقات يعني بشكل مو طبيعي يحبوني مره لدرجة قريبتي كانت بالثانوي تسولف مع صديقتها عني وصديقتها قالت ايه اعرفها فلانه اللي هي انا .. قالت معروفه بالجامعه .. جلست على هالحال سنتين وانا بقمة وناستي ..
اقسم لك بالله العظيم في السنه الثالثه صرت اجلس لوحدي ع الدرج وارجع البيت ابكي ... خلااااص كلهم راحوا ماعاد حد يجلس معي .. حتى اذا رحت لهم اساليبهم مو كويسه ويحسسوني انهم مشغولات ويصرفوني .. خلاص كرهت نفسي والله العظيم وكرهت الكليه .. وفي السنه الرابعه حاولت أأقلم نفسي مع بنات القاعه وكانت علاقه جيده في حدود الدراسه .. وتخرجت من الجامعه وانتهت العلاقه الى هذا الحد ...


ف مثل كذا والله اني متأكده انها عين على قد ماكانوا يتضاربون علي صرت بدون ولا صديقه 😂😂


.. الحين خلاص كبرت وتزوجت والعلاقات كل مالها تضعف لكني دائماً ارقي نفسي .. ودااايم اتحلم اني بالجامعه حقتي واشيائي تضيع واصحى وانا متضايقه ... وهذا دليل عين والله اعلم

ولا زلت متمسكه ببعض الصديقات والقريبات الجيداات لأنه كمان لو تضعف العلاقه شوي رح تنقطع على طول ...


انتي ارقي نفسك ماتدرين والله معاك حبيبتي

لما الكل يقاطعك ولا يتواصلو معاك
اذا المشكلة تكون فيك
مافي شخص طبيعي يقاطعوه الناس كلهم
اهل واقارب واصحاب وزملاء
حتى اهل امك واهل ابوك مقاطعينهم
وتقولي حاقدين علينا
كلهم حاقدين عليكم وبدون سبب مستحيل

اما انا فارشدك تروحين لحلقات تحفيظ حسب وقتك وفي عبر الهاتف وعملوا قروبات وتلقى رفقه تعينك بإذن الله
وبالمواسم روحي المصلى وتخيري جيران وقوى صلة بالله وهو بالتالي يسخر لك الخير واهله