🌹🌹التــــــجــــمع (6) لاحـــــلىے مواليــــــــڊ مارس وابـــريل🌹🌹2019

ان شاء الله
اليوم رحت عند عبير واتذكرت رحت الساعة 7:45 كانت موجودة ودخلت واخدت راحتي وصورت سونار وصارت تشرحلي الراس والايدين والرجلين والبطن كنت كتير مبسوطة وعطتني الأدوية كالسيوم وحديد ووصفتلي الإبر
قلا زوجي غريب ماحدا مداوم غير انت قالتلو انا بحب النظام

وعلى نظريه الجمجمه ولد راس الولد مش مدور محدب من الامام ... نظريه الناب ماجدرت اتوصل للزاويه لان الصورة مشوشه


باذن الله ولد وتفرحين فيه حبيبتي تستاهلين الخير

شوفي حبيبتي مانتي مضطرة تحضري اجتماعات حتى لو عند اهلك ، اذا هالشي يتعبك ويضايقك لاتسوينه مجاملة للناس ، اهم ماعليك نفسك ، اول كنت استخي واجامل لكن بعد التجارب اخر همي الناس صرت احضر متى ماحبيت واذا مالي خلق ما اروح لو العزومة عند اهلي ، والحمدلله اهلي من النوع المتفهمين مايجبرونك ع شي ، وزوجي اول يزعل بعدين قلت له نفسي اهم انا ماجبرتك ع شي لاتجبرني ع شي ،
واهم شي ثقتك بنفسك تكون عااالية اي اخد يتطنز عليك وقفيه عند حده بأدب اعطيه كلمة تسكته ، لما تسكتي تجلس الناس تتمادى ، اذا اخت زوجك فتحت الموضوع مرة ثانية قولي لها طيب وبعدين حفظت السالفة من كثر ماتعيديها ، وطبيعي الحمل تتغير فيه الحرمة هرموناتها وجسم عن جسم يختلف ، والحمدلله فترة وتعدي ، وانتي حبيبتي امشي بكل ثقة وخليك رافعة راسك فوق واجلسي بصدر المجلس وسولفي وانبسطي ولايبان عليك انك منحرجة من حالك ، اعرف لك وحدة هي اقل حريم الاخوان جمال لكن تبارك الله ثقتها بنفسها جدا عالية ، ومرات ختى تجي بدون مكياج من زود الثقة وتجلس وتسولف تبارك الله بس تهتم بشعرها وتعتني ببشرتها ، وتلبس لبس مرتب ومناسب حتى لو ماكان مرة جميل بس مرتب ، ف انصحك اهتمي بترطيب بشرتك اشربي موية كثير اشربي عصير برتقال وليمون يفتح البشرة، وماعليك من احد ، حتى لو ماعندك ثقة بنفسك قدام الناس شجعي نفسك ولاتبينين لهم هذا الشي .

حبيبتي ٢ ونص نصيحة ضروري تسوي ربط حبيبتي اذا هذا الطول والجنين باقي ماكبر حجمه ، ف تابعي معهم وضروري تسوي ربط، وبنفس اليوم تطلعي ومايخوف مرة الموضوع بس تلتزمي الراحة وربي يحفظ لنا ولك اجنتنا ويتمم حملنا بخير وسلامة

اخباركم بنات
سكرك وقلبي قسى ضحكتني سواليفكم وقت الولادة ههههههههههههه ربي يسعدكم
اللي تشكي من زوجها وبروده وووالخ اعتقد زوجك جنوبي غربي هههههه بصراحة انا مثلكم اعاني من هذا الشي وانا انسانة عصبية وعجولة ونظامية ابي كل شي بمكانه وكذا وزوجي عكسي فوضوي وبااارد وكسول
بس دخلت حساب البوصلة الشخصية وعرفت انماط شخصياتنا ف صرت اقرأ عن نمطي ونمطه وتثقفت بالموضوع شوي وعلى هالاساس صرت اتعامل معاه واحاول اقلل من عصبيتي والحمدلله تمشي الامور ، ف انصحكم فيها البوصلة الشخصية تلاقوا حسابات بالانستقرام ، وايضا حساب فوز تتكلم بدقة عن عالمواضيع ، عشان تعرفوا كيف تتعاملوا مع ازواجكم وتعدلوا بشخصياتكم لو فيه عيوب تعالجيها وكذا . واهم شي الدعاء الدعاء الدعاء وخلي لسانك رطب بذكر الله وربي يسعدنا واياكم ويسخرهم لنا ولكم