ضرب زوجي وقلة حيلتي
السلام عليكم بنات انا متضايقه وراسي صدع من البكاء من الظهر اول شي انا متزوجه من ١٥ سنه وعندي اربعه اطفال الله يحفظهم زوجي له سنتين تقريبا صار يمد يده علي لاتفه الامور بدايتها كنت حامل ف بنتي الاخيره مااقدر وضعي واستمر الوضع بالضرب اخرها اليوم لاني طلبت منه طلب وعصب فجاه وجلس يسبني ويسب اهلي واني ماستاهل اي شي يسويه لي وانه مستغني عنه وفجاه قام وضربني وشد شعري ويدي من الظهر ماقدر احركها ومليانه اثار ضرب ولما خلص قالي اصلا انتي ماعندك كرامه صاير اضربك ابغاها تجي منك وتطلعين من البيت لكن ماتفهمين بالتعذيب طبعا الطلب اللي طلبته تافه مقارنه باللي سواه كله والعصر طلع للدوام ولسا مارجع نكد علينا الويكند وانا محتاره اطلع من البيت عندي بنتين صغار خمسه سنوات وسنه واعرف لو طلعت من البيت ابوي مايرضى اخذ عيالي وفالبيت مااحد يقوم فيهم غيري حتى ام زوجي كبيره فالسن مالها ذنب تتحمل خطا ولدها فكرت اكلم ابوه بس انا من ١٥ سنه مرت حياتي بمد وجزر وماعمري فكرت اشتكي مع العلم زوجي طيب ويهديني ومايقصر علي مصروف شهري بس انا قلبي انكسر ايش فايده هذا كله اذا مافي احترام والانسان وقت الغضب يقول الكلام اللي مكبوت فيه شوروا علي ايش اسوي حسبي الله ونعم الوكيل 😭