انا تزوجت وعمري 18 سنه وتطلقت على طول من قبل اكمل 5 شهور لاني شفت العذاب معه كان مدمن مخدرات وهروين ووسخه الفاظه وافعاله قذره
بعد الطلاق كملت دراستي اللهم لك الحمد وتخرجت واللحين عمري داخله الثلاثين عام
وضعي ببيت اهلي مره مرتاحه الحمدلله
خلال هالسنوات يجوني خطاب كثير بس ارفض لاني كنت ادرس
كل الل يجوني معددين او مطلقين بـ اطفال وبعضهم بدون اطفال
جاني قبل يومين واحد يعرفه ابوي زين عمره 55 مطلق والسبب زوجته رفضت انه ياخذ عليها وطلبت الطلاق وطلقها
مدري محتاره مرره احس باتوهق معه الفارق العمري بينا كبير
مره بداخلي شي يقول اصبري ترى يمكن يجيكك احد احسن منه واصغر
ومرات اقول العمر راح وخوذيه بس
( فيه حاجه فيني قبل انخطب دايماً احلم بحياه رومنسيه وشخص ارتبط فيه يتفهمني وافهمه كثير اتمنى اعيش هالحياه )
محتاره يابنات 😭😭 والله ماعندي احد اشاوره غيركم الله يوفق كل من تعطيني رايها وشورها ولو كانت بنفس مكاني وش بتختار الله يسعدها حتى يرضيها
شاركي في النقاش
سجلي الدخول لإضافة تعليق.
التعليقات
45- الي راح راح وانتهى اذا كانوا من ضمن المتقدمين لك شخص رجال بمعني الكلمه وانتي تدرسي كنتي وافقي وخلصي عنده لكن الي راح راح
الحين وبموقفك هذا واستشارتك عمري تقريبا نفس عمرك بس متزوجه واحد اكبر مني باربع سنوات اصبري ياختي
هذا بتنعاد فيه نفس الماساه حق بدايه عمرك انه بتكوني صغيره ولسه تشوفي حياتك وهو قده متعب وعايش الحياه بملل
انتظري الشخص الي بيناسبك بالعمر وتاخذيه عن قناعه تامه قلب وقالب مش بس عشان كلام الناس او عشان نظره الناس لا ارضي نفسك اولا وافرشي سجادتك واطلبي من الله ماتتمني صدقييني مافي اكرم منه ومافي اعظم منه
دام انت ببيت اهلك مرتاحه على ايش مستعجله عيشي حياتك واخلصي وافتحي قلبك وادعي ربي بجوف الليل وعقبال تجي هنا ياقلبي تبشرينا
اشوف 55 مابيكون زوج بيكون اب لك حرام تدفني عمرك معاه - الله يرزقك
ويكتب لك الخيره - و الله فارق العمر كبير و اخاف يكون ما فيه حيل لشي
مدري وش أقولك
استخيري و اسالو عنه زين - أرفضي ... الله يرزقك بالأفضل
- هذا المطلق اللي عمره 55 وش تندبي بيه كبيرررر مررره
انت يلاثين لسه زهره صدقيني انا تزوجت ثﻻث وثﻻثين وزوجي اكبر مني بثمان سنين وانجبت على طول
هذا بكره مو بعيد كم سنة ويتعدو عاﻻصابع بيصير عجوز
وﻻ حياء حتى القدرة الجنسية تقل اوانت لسه صغيرة
انا اقول اصبري وادعي كثيرااااا
ان يرزقك الله بالزوج الصالح
ادعي واستغفررررري كثيرررر
تصدقي بعدها ادعي على طوول
وصلي قيام الليل في الجزء اﻻخير
الله يفرج همك
مواضيع مشابهة
تابعي تجارب أخرى من هذا القسم.